ପୁରୀ : କ୍ଷୀର ଚୋରି କରି ଜଣେ ହୋମଗାର୍ଡ ଗିରଫ । ଏହି ଅଭାବନୀୟ ଘଟଣା ଘଟିଛି ପୁରୀ ଚନ୍ଦନପୁର ଅଞ୍ଚଳରେ । ସିସିଟିଭିରେ ଚୋରି ଘଟଣା ସମ୍ପୂର୍ଣ୍ଣ କଏଦ ହୋଇଚି । ଯାହାକୁ ନେଇ ଚର୍ଚ୍ଚା ଜୋର୍ ଧରିଥିବା ବେଳେ ପୋଲିସ ବିଭାଗ ର ଜଣେ କର୍ମ ଚାରି ଏଭଳି ଚୋରି କରିବା ସମସ୍ତଙ୍କୁ ଏକ ପ୍ରକାର ତାଜୁବ୍ କରିଦେଇଛି । ତେବେ ଥାନାରେ ଏ ନେଇ ଅଭିଯୋଗ ହେବା ପରେ ଅଭିଯୁକ୍ତ ହୋମ ଗାର୍ଡ ମନୋରଂଜନ ରଥକୁ ଚନ୍ଦନପୁର ଥାନା ପୋଲିସ ଗିରଫ କରି କୋର୍ଟ ଚାଲାଣ କରିଛି । ସୂଚନାଯୋଗ ଯେ, ପୁରୀ ଚନ୍ଦନପୁର ବଜାରରେ ଏକ କ୍ଷୀର ବିକ୍ରୀ ଦୋକାନ କରିଥଲେ ସୁକାନ୍ତ ସାହୁ । ତେବେ କିଛି ଦିନ ହେବ ତାଙ୍କ୍ ଦୋକାନରେ ଥିବା କ୍ଷୀର ଟ୍ରେରୁ ପ୍ରତିଦିନ କ୍ଷୀର ପ୍ୟାକେଟ ଚୋରି ହେଉଥିଲା । ଏ ନେଇ ସେ ପାଖରେ ଥିବା ଏକ ଦୋକାନ ସହିତ ଝଗଡା ମଧ୍ୟ କରିଥିଲେ । ତେବେ ପ୍ରକୃତ ଘଟଣା କଣ ଜାଣିବା ପାଇଁ ସୁକାନ୍ତ ତାଙ୍କ୍ ଦୋକାନରେ ଏକ ସିସିଟିଭି ଲଗେଇ ଥିଲେ । ତେବେ ସିସିଟିଭି ଚେକ୍ କରିବା ପରେ ସବୁ କିଛି ସ୍ପଷ୍ଟ ହୋଇଛି । ଗତ ମଙ୍ଗଳବାର ଭୋର୍ରୁ ଅଭିଯୁକ୍ତ ହୋମ ଗାର୍ଡ ମନୋରଂଜନ ରଥ ଚୋରି କରୁଥିବା ସିସିଟିଭି ରେ କଏଦ ହୋଇଛି । ତେବେ ସିସିଟିଭି ଲାଗିଥିବା କଥା ଅଭିଯୁକ୍ତ ହୋମ ଗାର୍ଡ ଜଣଙ୍କ ଜାଣିପାରି ନଥିଲେ । ତେବେ ଏ ନେଇ ଚନ୍ଦନ ଥାନା ରେ ସିସିଟିଭି ଫୁଟେଜ ସହ ଅଭିଯୋଗ ପରେ ଅଭିଯୁକ୍ତ ହୋମଗାର୍ଡକୁ ଚୋରି ଅଭିଯୋଗରେ ପୁରୀ ଚନ୍ଦନପୁର ପୋଲିସ୍ ଗିରଫ କରି କୋର୍ଟ ଚାଲାଣ କରିଛି । ତେବେ ଜଣେ ପୋଲିସ କର୍ମଚାରୀ ରକ୍ଷକ ହୋଇ ଭକ୍ଷକ ସଜିବା ଘଟଣାକୁ ନେଇ ବିଭିନ୍ନ ମହଲରେ ଦୃଢ଼ ନିନ୍ଦା କରାଯାଇଛି ।