ଖପ୍ରାଖୋଲ : ବଲାଙ୍ଗିର ଜିଲ୍ଲା ଖପ୍ରାଖୋଲ ବ୍ଲକ ସ୍ଥାନୀୟ ହରିଶଙ୍କର ଉଚ୍ଚ ମାଧ୍ୟମିକ ବିଦ୍ୟାଳୟରେ ନୂତନ ଅଧ୍ୟକ୍ଷ ଭାବେ ଇଂରାଜୀ ଅଧ୍ୟାପକ ବଳଭଦ୍ର ଦାଶ ଦାୟିତ୍ୱ ଗ୍ରହଣ କରିଛନ୍ତି । ଏଇ ଅବସରରେ ବିଦାୟୀ ଅଧ୍ୟକ୍ଷ ପ୍ରମୋଦ ପାଣି ଦାୟିତ୍ୱ ହସ୍ତାନ୍ତର କରିଥିବା ବେଳେ ଅଧ୍ୟାପିକା ମଧୁମିତା ସାହୁ , ମୀନା ସାହୁ, ଦିଲିପ ନିଆଲ, ପରେଶ୍ ବେହେରା, ଜନାର୍ଦ୍ଦନ ସୁନା, ବାଳକୃଷ୍ଣ ପୁଞ୍ଜି, ନନ୍ଦକିଶୋର ବାଗ, ପୂର୍ବତନ ସଭାପତି ଗଣେଶ୍ୱର ବେହେରା, ପୂବତନ ସମ୍ପାଦକ ନରସିଂହ ବୁଡେକ୍ ପ୍ରମୁଖ ଉପସ୍ଥିତ ଥିଲେ । ଆଗାମୀ ଦିନରେ ଯୁକ୍ତ ତିନି ଖୋଲିବାକୁ ଉଦ୍ୟମ କରାଯିବା ସହ ଶିକ୍ଷାଦାନକୁ ଗୁରୁତ୍ୱ ଦିଆଯିବ ବୋଲି ବୋଲି ନୂତନ ଅଧ୍ୟକ୍ଷ ପ୍ରକାଶ କରିଛନ୍ତି । ଏହି ଅବସରରେ ପୂର୍ବତନ ସମ୍ପାଦକ ସତ୍ୟାନନ୍ଦ ସେନ୍ଦ୍ରିଆ, ନବୀନ ବେହେରା, ବ୍ଲକ ଅଧ୍ୟକ୍ଷାଙ୍କ ପ୍ରତିନିଧି ପବିତ୍ର ପଟେଲ, ଉପାଧ୍ୟକ୍ଷ ଶୁଖି ରାମ ଷାଣ୍ଢ, ସାମାଜିକ କର୍ମୀ ଅଭୟ ତ୍ରିପାଠୀ, ତାପସ ରଞ୍ଜନ ବେହେରା , ଗୁପ୍ତେଶ୍ୱର କୁଅଁର , ଉମାକାନ୍ତ ପଧାନ, ଅମୂଲ୍ୟ ଭୋଇ, ବିଧାୟକ ପ୍ରତିନିଧି ରମେଶ ପଧାନ ପ୍ରମୁଖ ନୂତନ ଅଧ୍ୟକ୍ଷଙ୍କୁ ଅଭିନନ୍ଦନ ଜଣାଇଛନ୍ତି ।