ନବରଙ୍ଗପୁର:-ସ୍ଥାନୀୟ କଲେଜ ପଡିଆ ଠାରେ ଅନୁଷ୍ଠିତ ମଣ୍ଡେଇ କପ ଫୁଟବଲ ଟୁର୍ଣ୍ଣମେଣ୍ଟର ଫାଇନାଲରେ ରାଇଘର ଦଳ ସହ ନବରଙ୍ଗପୁର ପୌରପାଳିକା ଦଳ ମଧ୍ୟରେ ଏକ ସଂଘର୍ଷପୂର୍ଣ୍ଣ ଖେଳ ଅନୁଷ୍ଠିତ ହୋଇଯାଇଛି । ଖେଳର ଅନ୍ତିମ କ୍ଷଣ ପର୍ଯ୍ୟନ୍ତ କେହି କାହାରିକୁ ଗୋଲ ଦେଇ ପାରିନଥିଲେ । ଶେଷରେ ପେନାଲଟିକ୍ ସୁଟଆଉଟରେ ରାଇଘର ଦଳ ୪-୨ ଗୋଳରେ ନବରଙ୍ଗପୁର ଦଳକୁ ପରାସ୍ତ କରି ମଣ୍ଡେଇ କପ ଚାମ୍ପିୟନ ହୋଇଛନ୍ତି । ଆଜିର କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଜିଲ୍ଲା ପ୍ରକଳ୍ପ ପ୍ରଶାସକ ବେଣୁଧର ଶବର, ଜିଲ୍ଲା କ୍ରୀଡା ଅଧିକାରୀ ମହେନ୍ଦ୍ର ସାହୁ, ଉପ ଆରକ୍ଷୀ ଯୁଗଳ ମାଲିକ, ଜିଲ୍ଲା କ୍ରୀଡା ସଙ୍ଘର ସମ୍ପାଦକ ପ୍ରହଲ୍ଲାଦ ତ୍ରିପାଠୀ, ଉପ ସଭାପତି ଏମ. ବାଲା କୃଷ୍ନା ରାଓ, ସହ ସମ୍ପାଦକ ମନୋଜ କୁମାର ପଟ୍ଟନାୟକ, ଆଥେଲେଟିକ ସମ୍ପାଦକ ଜ୍ୟୋତି ପରିଛା ପ୍ରମୁଖ ଯୋଗ ଦେଇଥିଲେ । ଉକ୍ତ ମ୍ୟାଚର ଧାରା ବିବରଣୀ ପ୍ରଭାତ ପଟ୍ଟନାୟକ ଦେଇଥିବାବେଳେ କ୍ରୀଡା ପରିଚାଳନାରେ ମନୋରଂଜନ ପ୍ରହରାଜ, ଜେଡ. ହୁସେନ, ବି. ଯୋଗେଶ କୁମାର, ଦେବିଡ଼ ସୁମିତ ସାଧୁ, ଫିରୋଜ ହିଆଲ, ସେକ ସମିରୁଦ୍ଦିନ, ଏସ. କେ. ସମୀର, ମନୋଜ ପୂଜାରୀ, ଗୋପାଳ ପଟ୍ଟନାୟକ, ଅଜୟ ଦାସ, ପ୍ରଣବ ବିଶ୍ୱାଳ, ଅଜିତ ପରିଜା ପ୍ରମୁଖ ସହଯୋଗ କରିଥିଲେ ।