ନୂଆପଡ଼ା : ସିନାପାଲି ଥାନା ଅନ୍ତର୍ଗତ ବ୍ରହ୍ମଣୀଗୁଡା ଗ୍ରାମଠାରେ ଦୁଇ ବାଇକ ଚୋରକୁ ଧରି ଗ୍ରାମବାସୀ ପୁଲିସ ଜିମା ଦେଇଥିବା ଜଣାପଡିଛି । ଏନେଇ ସିନାପାଲି ପୁଲିସ ଅଭିଯୁକ୍ତ ଦ୍ୱୟକୁ ଥାନାରେ ଅଧିକ ପଚରାଉଚରା କରିଥିବା ଜଣାପଡିଛି । ପ୍ରାପ୍ତ ଖବର ଅନୁଯାୟୀ ଜଣଙ୍କର ବାଇକକୁ ଚୋରି କରି ନେଇ ଯାଉଥିବା ବେଳ କାବୁ କରାଯାଇଥିଲା । ପୁଲିସ ସୂତ୍ରରୁ ଜଣାପଡିଛି ଯେ, ଉଭୟଙ୍କୁ ବ୍ରହ୍ମଣୀଗୁଡା ଗ୍ରାମବାସୀ ପଚରାଉଚରା କରିବାରୁ ତାଙ୍କ ଉପରେ ସନ୍ଦେହ ହୋଇଥିଲା ଓ ପୁଲିସ ଏ ସଂପର୍କରେ ଗ୍ରାମବାସୀ ଜଣାଇଥିଲେ । ପରେ ପୁଲିସ ଉଭୟ ଅଟକ ରଖିଥିବା ଜଣାପଡିଛି । ଅଭିଯୁକ୍ତ ଦ୍ୱୟ ହେଲେ ସିନାପାଲି ସହର ନିବାସୀ ମଧୁ ସାହୁଙ୍କ ପୁଅ ବାଦଲ ସାହୁ ଓ କପୁର ବନ୍ଧିଛୋରଙ୍କ ପୁଅ ଝଜକେତନ ବନ୍ଧିଛୋର ବୋଲି ଜଣାପଡିଛି । ଘଟଣା ସମ୍ପର୍କରେ ବିଭିନ୍ନ ସୋସିଆଲ ମିଡିଆରେ ଫଟୋ ଘୁରି ବୁଲୁଥିବା ବେଳେ ସିନାପାଲି ପୁଲିସ ଘଟଣା ସମ୍ପର୍କରେ ଖୋଳତାଡ଼ କରୁଥିବା ସୂଚନା ମିଳିଛି ।