ଜି. ଉଦୟଗିରି: ଆଜି ସକାଳ ପ୍ରାୟ ୮:୩୦ ମିନିଟ ସମୟରେ କଳିଙ୍ଗା ବିଦ୍ୟୁତ କାର୍ଯ୍ୟାଳୟ ସବ ଷ୍ଟେସନ ନିକଟରେ ଏକ ବାଇକ ଦୁର୍ଘଟଣା ଗ୍ରସ୍ତ ହୋଇଛି । କୌଣସି କାମରେ ଆଜି ଜି. ଉଦୟଗିରି ଶଙ୍ଖ ସାହି ବାସିନ୍ଦା ସଞ୍ଜୀବ ନାୟକ (୪୪) ଫୁଲବାଣୀ ଅଭିମୁଖେ ଯାଉଥିଲେ,ସେହି ସମୟରେ କଳିଙ୍ଗା ବିଦ୍ୟୁତ ବିଭାଗ ସବ ଷ୍ଟେସନ ନିକଟରେ ହଠାତ୍ ଏକ ବୁଲା କୁକୁର ଗାଡ଼ି ସାମନାକୁ ପଳେଇ ଆସିବାରୁ ବାଇକଟି ଦୁର୍ଘଟଣାଗ୍ରସ୍ତ ହୋଇଥିଲା । ଫଳରେ ବାଇକ ଆରୋହୀ ସଞ୍ଜୀବ ହେଲମେଟ ପିନ୍ଧିବା ସତ୍ୱେ ମୁଣ୍ଡରେ ଗୁରୁତର ଆଘାତ ହୋଇଥିଲା । ସ୍ଥାନୀୟ ଲୋକଙ୍କ ସହାୟତାରେ ୧୦୮ ଆମ୍ବୁଲାନ୍ସ ଯୋଗେ ତାଙ୍କୁ ଜି. ଉଦୟଗିରି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଅଣାଯାଇ ପ୍ରାଥମିକ ଚିକିତ୍ସା କରାଯାଇଥିଲା । ପରେ କାର୍ଯ୍ୟରତ ଡାକ୍ତର ତାଙ୍କୁ ବ୍ରହ୍ମପୁର ବଡ଼ ମେଡିକାଲକୁ ଅତ୍ୟଧିକ ଚିକିତ୍ସା ନିମନ୍ତେ ସ୍ଥାନାନ୍ତରିତ କରାଯାଇଥିବା ସ୍ଥାନୀୟ ଡାକ୍ତର ସୂଚନା ଦେଇଛନ୍ତି ।