କୋଣାର୍କ : ଦୁର୍ବୃତ୍ତମାନଙ୍କ ଟାର୍ଗେଟ ରହିଛି ବିଦ୍ୟାଳୟ । ୪ଦିନ ପରେ ପୁଣି ଏକ ବିଦ୍ୟାଳୟରୁ ଚୋରି କରି ଫେରାର ହୋଇଛନ୍ତି ଲୁଟେରାମାନେ । କୋଣାର୍କ ଥାନା ଅନ୍ତର୍ଗତ ଅଚ୍ୟୁତପୁର ଉଚ୍ଚ ପ୍ରାଥମିକ ବିଦ୍ୟାଳୟରୁ ମଙ୍ଗଳବାର ବିଳମ୍ବିତ ରାତିରେ ଚୋରି ହୋଇଥିବା ଅଭିଯୋଗ ହୋଇଛି । ଦୁର୍ବୃତ୍ତମାନ ବିଦ୍ୟାଳୟ ଘର ତାଲା ଭାଙ୍ଗି ଫ୍ୟାନ,ଚାଉଳ, ଡାଲି ଖାଇବା ତେଲ, ମସଲା ଆଦି ବିଭିନ୍ନ ମଧ୍ୟାହ୍ନ ଭୋଜନ ସାମଗ୍ରୀ ଲୁଟି ନେଇଯାଇଛନ୍ତି । ଖବରପାଇ ପୁରୀରୁ ସାଇଣ୍ଟିଫିକ ଟିମ, କୋଣାର୍କ ପୁଲିସ ପ୍ରାଥମିକ ତଦନ୍ତ କରି ଫେରିଛନ୍ତି ଓ ଘଟଣା ସ୍ଥଳରୁ ଗୋଟିଏ ଛୁରୀ ଜବତ ହୋଇଛି । ସୂଚନା ଥାଉକି ଗତ ୨୭ତାରିଖ ରାତିରେ ବନାଖଣ୍ଡି ପ୍ରାଥମିକ ବିଦ୍ୟାଳୟ ଓ ଅଙ୍ଗନବାଡି କେନ୍ଦ୍ରରୁ ମଧ୍ୟାହ୍ନ ଭୋଜନ ସାମଗ୍ରୀ, ଖେଳ ସାମଗ୍ରୀ ଆଦି ଚୋରି ହୋଇଥିବା ଅଭିଯୋଗ ହୋଇଥିଲା ।