ଖପ୍ରାଖୋଲ : ବଲାଙ୍ଗିର ଜିଲ୍ଲା ଖପ୍ରାଖୋଲ ଥାନା ଅନ୍ତର୍ଗତ ପୁତୁଲାମହୁଲ ଗ୍ରାମରୁ ଜଣେ ନାବାଳିକାକୁ ଦଶ ଦିନ ପୂର୍ବରୁ ଅପହରଣ କରିନେଇଥିବା ଥାନାରେ ଅଭିଯୋଗ ହୋଇଥିଲା । ଅଭିଯୋଗ ପରେ ପୋଲିସ ଘଟଣାର ତଦନ୍ତ ଆରମ୍ଭ କରିଥିଲା । ତେଲେଙ୍ଗାନାର ସିକନ୍ଦରାବାଦରେ ଅପହରଣକାରୀ ଦ୍ୱୟଙ୍କୁ ପୋଲିସ ଗିରଫ କରିଥିବା ଜଣାପଡିଛି । ଅଭିଯୁକ୍ତ ମାନେ ପୁତୁଲାମହୁଲ ଗ୍ରାମର ସୁଜ୍ଞାନ ଭୁଏ ଓ ଅପହରଣର ସହଯୋଗ କରିଥିବା ଅମିତ ବରିହା ବୋଲି ସୂଚନା ମିଳିଛି । ପ୍ରକାଶ ଯେ ନାବାଳିକାଙ୍କ ସହ ସୁଜ୍ଞାନଙ୍କ ପ୍ରେମ ସମ୍ପର୍କ ଯୋଗୁଁ ଅପହରଣ କରି ନେଇଥିବା ପୋଲିସ ପ୍ରକାଶ କରିଛି । ଏନେଇ ଖପ୍ରାଖୋଲ ଥାନାରେ ଏକ ଅପହରଣ , ଧର୍ଷଣ ସହ ପସ୍କୋ ମାମଲା ରୁଜୁ ହୋଇ ଆସାମୀ ଦ୍ୱୟଙ୍କୁ କୋର୍ଟ ଚାଲାଣ କରାଯାଇଥିବା ଥାନା ଅଧିକାରୀ ରମାକାନ୍ତ ସାହୁ ପ୍ରକାଶ କରିଛନ୍ତି ।