ଚଣ୍ଡିଖୋଲ: ବଡ଼ଚଣା ବ୍ଲକ ସ୍ତରୀୟ ସଂଗୀତ ପ୍ରତିଯୋଗିତାରେ ପ୍ରଥମ ସ୍ଥାନ ଅଧିକାର କରିଛନ୍ତି ଛାତ୍ରୀ ପ୍ରତୀକ୍ଷା । ବଡ଼ଚଣା ସରକାରୀ ଉଚ୍ଚବିଦ୍ୟାଳୟର ଦଶମ ଶ୍ରେଣୀ ଛାତ୍ରୀ ପ୍ରତୀକ୍ଷା ଲେଙ୍କାଙ୍କୁ ଆଞ୍ଚଳିକ ସାଧନକେନ୍ଦ୍ର ଶିଶୁ ସୁରଭି ପ୍ରତିଯୋଗିତାରେ ବ୍ଲକ ସ୍ତରରେ ଅଂଶଗ୍ରହଣ କରିବା ପାଇଁ ଚୟନ କରାଯାଇଥିଲା । ବ୍ଲକ ସ୍ତରୀୟ ସଂଗୀତ ପ୍ରତିଯୋଗିତାରେ ବ୍ଲକ ôର ବିଭିନ୍ନ ବିଦ୍ୟାଳୟରୁ ଆସି ଭାଗ ନେଇଥିବା ଛାତ୍ରଛାତ୍ରୀଙ୍କୁ ପଛରେ ପକାଇ ପ୍ରତୀକ୍ଷା ବ୍ଲକ ସ୍ତରରେ ପ୍ରଥମ ସ୍ଥାନ ଅଧିକାର କରିଛନ୍ତି । ସେ ବିଭିନ୍ନ ଘରୋଇ ଟିଭି ଚ୍ୟାନେଲର ସାରେଗାମା ସୋରେ ନିଜର ପ୍ରଦର୍ଶନ ଦେଖାଇ ଦର୍ଶକ ମାନଙ୍କୁ ବିଭୋର କରିଛନ୍ତି । ସେ ଯଦି ଏଭଳି ଗୀତ ଗାନ କରିବା ଜାରି ରଖନ୍ତି ତେବେ ବଡ଼ଚଣାର ଗୌରବ ବଢିବ ବୋଲି ଶିକ୍ଷକ ଶିକ୍ଷୟିତ୍ରୀ ମାନେ ମତବ୍ୟକ୍ତ କରିଛନ୍ତି । ଚଳିତ ବର୍ଷ ଏହି ସଂଗୀତ ପ୍ରତିଯୋଗିତାରେ ବହୁ ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ । ଏଥିରେ ଜଜ୍ ଭାବେ ବିଶିଷ୍ଟ କଣ୍ଠଶିଳ୍ପୀ ଯୋଗଦେଇ ଚୟନ କରିଥିଲେ । ପ୍ରତିକ୍ଷା ତାଙ୍କର ସୁମଧୁର କଣ୍ଠରେ ଓଡ଼ିଆ ଭଜନ, ହିନ୍ଦୀ ଗୀତ ଓ ନୃତ୍ୟ ମାଧ୍ୟମରେ ସ୍ୱାଗତ ସଂଗୀତ ପରିବେଷଣ କରି ଉପସ୍ଥିତ ଦର୍ଶକ ମାନଙ୍କ ମନମୋହିଥିଲେ । ପ୍ରଧାନଶିକ୍ଷକ ସ୍ମୃତିରଞ୍ଜନ ଆଚାର୍ଯ୍ୟ, ଗାୟକ ସୌରଭ ରଜନୀକାନ୍ତ ପୃଷ୍ଟି, ସମାଜସେବୀ ପ୍ରଦୀପ୍ତ କୁମାର ମହାରଣାଙ୍କ ସହଯୋଗ ଯୋଗୁଁ ମୁଁ ଆଗକୁ ବଢିପାରିବି ବୋଲି ପ୍ରତୀକ୍ଷା କହିଛନ୍ତି ।