ଜି. ଉଦୟଗିରି : ଜି. ଉଦୟଗିରି ନଗର ଏବଂ ଗ୍ରାମୀଣ ମଣ୍ଡଳ ତରଫରୁ ଆଜି ୪୪ତମ ବିଜେପି ପ୍ରତିଷ୍ଠା ଦିବସ ପାଳିତ ହୋଇଛି । ସ୍ଥାନୀୟ ଗ୍ରାମୀଣ ମଣ୍ଡଳ ସଭାପତି ମାୟାବନ୍ଧୁ ପ୍ରଧାନଙ୍କ ତତ୍ତ୍ୱାବଧାନରେ ଆୟୋଜିତ ଏହି କାର୍ଯ୍ୟକ୍ରମରେ ଦଳ ଗଠନ କରିବାରେ ବିଶେଷ ଅବଦାନ ରହିଥିବା ମହାନ ବ୍ୟକ୍ତିଙ୍କ ସ୍ମୃତି ଚାରଣ କରିବା ସହିତ ତୃଣମୂଳ ସ୍ତରରୁ କିଭଳି ଦଳକୁ ମଜଭୁତ କରାଯିବ ସେ ସଂପର୍କରେ ଆଲୋକପାତ କରାଯାଇଥିଲା । ପାଳିତ ଉତ୍ସବରେ ବିଜେପି ଜିଲ୍ଲା କୃଷକ ମୋର୍ଚ୍ଚା ସଭାପତି ଅବନେଶ୍ୱର ପ୍ରଧାନ, ଜିଲ୍ଲା ସାଧାରଣ ସଂପାଦକ ମାନଗୋବିନ୍ଦ ପ୍ରଧାନ, ଜିଲ୍ଲା ସଂପାଦକ ଜ୍ଞାନ ଚନ୍ଦ୍ର ପ୍ରଧାନ, ପୂର୍ବତନ ଜିଲ୍ଲା ସଭାପତି ସୁରେନ୍ଦ୍ର ପ୍ରଧାନ, ନଗର ସଭାପତି ଉଦେସନ ପ୍ରଧାନ, ନାରୀନେତ୍ରୀ ସତ୍ୟଭାମା ପ୍ରଧାନ, ବରିଷ୍ଠ ନେତା ରସାନନ୍ଦ ନାୟକ, ପ୍ରିୟବ୍ରତ ସାହୁ, ଭଙ୍କେଟେଶ୍ୱର ବେହେରା, ବିବେକାନନ୍ଦ ପ୍ରଧାନ ପ୍ରମୁଖ ଯୋଗ ଦେଇଥିଲେ ।
ସେହିଭଳି ଭାବେ ଟିକାବାଲି ବ୍ଲକ ବିଜେପି ତରଫରୁ ବିଜେପିର ୪୪ତମ ପ୍ରତିଷ୍ଠା ଦିବସ ମଧ୍ୟ ପାଳିତ ହୋଇଯାଇଛି । ରାଜ୍ୟ ଏସି ମୋର୍ଚ୍ଚା ଉପ ସଭାପତି ରାମବିଶି ଦିଗାଳ, ମଣ୍ଡଳ ସଭାପତି ଜିତେନ୍ଦ୍ର ଡାକୁଆ, ଶକ୍ତିକେନ୍ଦ୍ର ପ୍ରମୁଖ ସୀମାଞ୍ଚଳ ବେହେରା ସମେତ ବହୁ କର୍ମୀ ଯୋଗ ଦେଇଥିଲେ । ଦଳର ନୀତି ଆଦର୍ଶ ସହିତ ବିଜେପି ସରକାରଙ୍କ ଲେକାଭିମୁଖୀ ଯୋଜନା ସଂପର୍କରେ ଜନସାଧାରଣଙ୍କୁ ଅବଗତ କରିବା ସହିତ ବୁଥ ସ୍ତରରୁ ଦଳକୁ ମଜଭୂତ କରିବାକୁ କର୍ମୀମାନେ ଶପଥ ନେଇଥିଲେ ।