ନୂଆପଡ଼ା : ନୂଆପଡ଼ା ଜିଲ୍ଲାକୁ ଦିନିକିଆ ଗସ୍ତରେ ଦକ୍ଷିଣପଶ୍ଚିମାଞ୍ଚଳ ପୋଲିସ ଡିଆଇଜି ଚରଣ ସିଂ ମୀନା ଆସି ବିଭିନ୍ନ କାର୍ଯ୍ୟକ୍ରମରେ ଯୋଗଦାନ କରିଛନ୍ତି । ସେଥିମଧ୍ୟରୁ ନୂଆପଡ଼ା ପୋଲିସ ଥାନା ପରିସର ମଧ୍ୟରେ ଆରମ୍ଭ ହୋଇଥିବା ପୋଲିସ ଉଦ୍ୟାନକୁ ଶୁଭ ଉଦଘାଟନ କରିଛନ୍ତି । ଏହି ଅବସରରେ ସାମ୍ବାଦିକଙ୍କୁ ସାକ୍ଷାତ କରି ନୂଆପଡ଼ା ଗସ୍ତରେ ଆସି ଦାତୁନାମା ଏବଂ ସୁନାବେଡ଼ା ସିଆରପିଏଫ୍ କ୍ୟାମ୍ପ ପରିଦର୍ଶନ କରିବା ସହ ସିଆରପିଏଫଙ୍କ ସହ ଆଲୋଚନା କରିଥିଲେ । ମାଓବାଦୀଙ୍କ ଗତିବିଧି ଉପରେ ପୋଲିସ ତୀକ୍ଷ୍ଣ ନଜର ରହିଥିବା ବେଳେ ତାଙ୍କର ଗତିବିଧି ସୀମିତ ଅଞ୍ଚଳରେ ରହିଅଛି । ଏହାକୁ ଉଚ୍ଛେଦ ନେଇ ଆହୁରି କାମ କରିବୁ ବୋଲି ସାମ୍ବାଦିକ ସମ୍ମିଳନୀରେ ପ୍ରକାଶ କରିଛନ୍ତି । ଏହି ଉଦ୍ୟାନ ଉଦଘାଟନ ବେଳେ ପୋଲିସ ଆରକ୍ଷୀ ଅଧିକ୍ଷକ ରାଘାବେନ୍ଦ୍ର ରେଡ୍ଡୀ, ଅତିରିକ୍ତ ପୋଲିସ ଆରକ୍ଷୀ ଅଧିକାରୀ, ନୂଆପଡ଼ା ଥାନା ଅଧିକାରୀ ପାଣିଗ୍ରାହୀ, ସୁରକ୍ଷା କର୍ମୀମାନେ ଯୋଗ ଦେଇଥିଲେ । ନୂଆପଡ଼ା ଠାରେ ପୋଲିସ ଉଦ୍ୟାନ ଉଦଘାଟନ ବେଳେ ଥାନାକୁ ମହିଳାମାନେ ଆସୁଥିବା ବେଳେ ତାଙ୍କ ସହ ଶିଶୁମାନେ ଆସିଥାନ୍ତି । ଏହି ଉଦ୍ୟାନ ତେଣୁ ଥାନା ପରିବେଶକୁ ଏକ ପରିବାରର ମାହୋଲ ସୃଷ୍ଟି କରିବ ବୋଲି ପ୍ରକାଶ କରିଥିଲେ ।