ସୁବର୍ଣ୍ଣପୁର: ସୋନପୁର ପୋଲିସ ଏକ ସାଇକେଲ ଚୋରକୁ ଗିରଫକରି ତାପାଖରୁ ବିଭିନ୍ନ ସମୟରେ ଚୋରି ହେଇଥିବା ୧୫ଟି ସାଇକେଲକୁ ଜବତ କରିଛି । ଏ ସଂପର୍କରେ ସୋନପୁର ଥାନା ପରିସରରେ ଏକ ସାମ୍ବାଦିକ ସମ୍ମିଳନୀ ରେ ଏସପି ଅମରେଶ ପଣ୍ଡା ଏହା ସୂଚନା ଦେଇଛନ୍ତି । ମିଳିଥିବା ସୂଚନା ଅନୁଯାୟୀ ଗତ ୨୩ତାରିଖରେ ସୋନପୁର ନୂଆ ମାଲିପଡାର ରମେଶ ଚୌହାନଙ୍କ ଝିଅ ସକାଳ ୭ଘଣ୍ଟାରେ ସ୍ଥାନୀୟ ମହାରଣା ପଡାର ଏକ କୋଚିଂ ସେଣ୍ଟରକୁ ଯାଇଥିବା ବେଳେ ତାଙ୍କର ଏକ ପିଙ୍କ କଲରର ବାର୍ଡ଼ ସାଇକେଲଟି କେହି ଦୁର୍ବୃତ୍ତ ଚୋରି କରିନେଇଥିଲା ଯାହାକି ଶ୍ରୀ ଚୌହାନ ଥାନାରେ ଲିଖିତ ଅଭିଯୋଗ କରିଥିଲେ । ଉକ୍ତ ଘଟଣାର ଅନୁସନ୍ଧାନ କରିବାକୁ ଯାଇ ସୋନପୁର ପୁଲିସ ଛାନଭିନ ଆରମ୍ଭ କରି ମନମୁଣ୍ଡା ଥାନା ଅନ୍ତର୍ଗତ ଦପଲା ଗ୍ରାମର ବିନାୟକ ନାଏକକୁ ଗିରଫ କରି ତା ନିକଟରୁ ବିଭିନ୍ନ ସମୟରେ ଚୋରି କରିଥିବା ୧୫ଟି ସାଇକେଲ ଜବତ କରିଛି । ଏହି ଘଟଣାର ଅନୁସନ୍ଧାନକାରୀ ଅଧିକାରୀ ଭାବରେ ଏଏସ୍ଆଇ ବିଣା ନାଗ ରହିଥିବା ବେଳେ ଆଜିର ସାମ୍ବାଦିକ ସମ୍ମିଳନୀରେ ଏସପି ଅମରେଶ ପଣ୍ଡା, ଏସଡିପିଓ ପୁଷ୍ପାଞ୍ଜଳି ନିଙ୍ଗୀ, ଥାନାଧିକାରୀ କୃଷ୍ଣ ଚନ୍ଦ୍ର ମେହେର ପ୍ରମୁଖ ଉପସ୍ଥିତ ଥିଲେ ।