ଖପ୍ରାଖୋଲ : ଖପ୍ରାଖୋଲ ଥାନା ଅନ୍ତର୍ଗତ ବଜଳସାଗର ଗ୍ରାମର ଜଣେ ଯୁବକ ଟ୍ରାକ୍ଟରରେ କାଠ ଆଣୁଥିବା ବେଳେ ଟ୍ରାକ୍ଟର ଓଲଟି ପଡିବାରୁ ଡ୍ରାଇଭରଙ୍କର ମୃତ୍ୟୁ ହୋଇଥିବା ଜଣାପଡିଛି । ସୂଚନା ଯେ, ସୋମବାର ରାତିରେ ବଜଳସାଗର ଗ୍ରାମର କରୁଣାକର ଛତ୍ରିଆ ନିଜ ନମ୍ୱର ବିହିନ ଟ୍ରାକ୍ଟରରେ କର୍ଲାବାହାଲି ଜଙ୍ଗଳରୁ ମଧ୍ୟ ରାତ୍ରିରେ କାଠ ଆଣୁଥିବା ବେଳେ ରାସ୍ତାରେ ଟ୍ରାକ୍ଟର ଭାରସାମ୍ୟ ହରାଇ ଓଲଟି ପଡିଥିଲା । ଟ୍ରାକ୍ଟର ତଳେ ଚାପିହୋଇ ତାଙ୍କର ମୃତ୍ୟୁ ହୋଇଥିବା ଜଣାପଡିଛି । ଖପ୍ରାଖୋଲ ପୋଲିସ ଖବର ପାଇଁ ଘଟଣାସ୍ଥଳ ପହଞ୍ଚି ଶବ ଜବତ କରି ବ୍ୟବଛେଦ ରିପୋର୍ଟକୁ ଅପେକ୍ଷା କରାଯାଇଥିବା ଥାନା ଅଧିକାରୀ ରମାକାନ୍ତ ସାହୁ କହିଥିଲେ ।