ହରଭଙ୍ଗା : ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ଅନ୍ତର୍ଗତ ସଂକୁଲୋଇ ପଞ୍ଚାୟତରେ ଆଜି ଶୁକ୍ରବାର ସାପ୍ତାହିକ ହାଟ ଉଦଘାଟିତ ହୋଇଯାଇଛି । ଏହି ଅଂଚଳର ଆଖ ପାଖ ପଂଚାୟତ ଗୁଡିକରେ ଶୁକ୍ରବାର ହାଟ ନଥିବା ଫଳରେ କୃଷିର ବିକାଶକୁ ଆଖି ଆଗରେ ରଖି ଓ ଛୋଟ ବଡ଼ ବ୍ୟବସାୟୀ ସାମଗ୍ରୀ ବିକ୍ରୟ କରିବା ସହିତ ଅଂଚଳର ବିକାଶକୁ ଗୁଣାତ୍ମକ କରିବା ପାଇଁ ଏହି ହାଟ ଉଦଘାଟିତ ହୋଇଛି । ଏହି ଉଦ୍ଘାଟନୀ ଉତ୍ସବରେ ସ୍ଥାନୀୟ ସରପଞ୍ଚ ସୁଶ୍ରୀତା ଛନ୍ଦ, ସମିତି ସଭ୍ୟା ରଶ୍ମିତା ମହାକୁଡ଼, ଗାନ୍ଧୀ ଦୂତ, ଗଙ୍ଗାଧର ଦନ୍ତା, ବରିଷ୍ଠ ବିଜେଡି ନେତା ବିକ୍ରମ ମହାକୁଡ଼, ବରିଷ୍ଠ ସାମ୍ବାଦିକ ଚିତ୍ତରଞ୍ଜନ ସିଂ ଓ ସଂକୁଲୋଇ ପଞ୍ଚାୟତ ଜନସାଧାରଣ ପ୍ରମୁଖ ଯୋଗଦେଇଥିଲେ । ଆଜି ଏହି ସାପ୍ତାହିକ ହାଟରେ ପରିବା ବ୍ୟବସାୟୀଙ୍କ ସମେତ ଲୁଗା ବ୍ୟବସାୟୀ, କଂସା ବାସନ ବ୍ୟବସାୟୀ, ଟେକ୍ସନାରୀ ବ୍ୟବସାୟୀ ଯୋଗ ଦେଇଥିଲେ । ସମାଜସେବୀ ସତ୍ୟବାଦୀ ଚାଉଳିଆ ଏହି କାର୍ଯ୍ୟକ୍ରମରେ ସହଯୋଗ କରିଥିଲେ ।