ଭବାନୀପାଟଣା: ସେନା ନିଯୁକ୍ତି କାର୍ଯ୍ୟାଳୟ,ଗୋପାଳପୁରଙ୍କ ପତ୍ର ପ୍ରାପ୍ତି ସୂଚନା ମତେ ଦକ୍ଷିଣ ଓଡିଶାର ୧୦ ଟି ଜିଲ୍ଲାର ଆଶାୟୀ ପ୍ରାର୍ଥୀଙ୍କ ଠାରୁ ଅଗ୍ନିପଥ ଯୋଜନା ଅନ୍ତର୍ଗତ ସେନାରେ ନିଯୁକ୍ତି ପାଇଁ ଦରଖାସ୍ତ ଆହ୍ୱାନ କରାଯାଇଛି । କଳାହାଣ୍ଡି ଜିଲ୍ଲାର ଆଶାୟୀ ଉପଯୁକ୍ତ ଯୁବକମାନେ ଅନଲାଇନ୍ ମାଧ୍ୟମରେ ଅଗଷ୍ଟ ମାସ ୫ ତାରିଖରୁ ସେପ୍ଟେମ୍ବର ୩ ତାରିଖ ମଧ୍ୟରେ ଦରଖାସ୍ତ ପ୍ରେରଣ କରିବେ । ଆସନ୍ତା ନଭେମ୍ବର ୧ ତାରିଖରୁ ନଭେମ୍ବର ୭ ତାରିଖ ମଧ୍ୟରେ ଗୋପାଳପୁର ସ୍ଥିତ ରଙ୍ଗେଇଲୁଣ୍ଡା ଏୟାରଷ୍ଟ୍ରିପ ଠାରେ କୋଭିଡ ଗାଇଡଲାଇନ ଅନୁସାରେ ନିଯୁକ୍ତି ରାଲି ଅନୁଷ୍ଠିତ ହେବା । ସେପ୍ଟେମ୍ୱର ୧୫ ରୁ ସେପ୍ଟେମ୍ବର ୨୫ ମଧ୍ୟରେ ସଂପୃକ୍ତ ପାର୍ଥୀଙ୍କ ଇମେଲ କୁ ଆଡମିଟ କାର୍ଡ ପ୍ରେରଣ କରାଯିବ । ସେନାରେ ଭର୍ତ୍ତି ନିମନ୍ତେ ଦରଖାସ୍ତ ପୂରଣ, ଶିକ୍ଷାଗତ ଯୋଗ୍ୟତା, ଶାରୀରିକ ଯୋଗ୍ୟତା, ବୟସ ସୀମା ଓ ଅନ୍ୟାନ୍ୟ ତଥ୍ୟ ଜାଣିବା ପାଇଁ www.joinindianarmy.nic.in ୱେବସାଇଟ ରେ ଦେଖିବାକୁ ସୂଚନା ଅଛି । ଏଣୁ କଳାହାଣ୍ଡି ଜିଲ୍ଲାର ଯୁବକମାନେ ଦେଶ ସେବା ସହିତ ସେନାରେ ନିଯୁକ୍ତି ପାଇଁ ଖୁବଶୀଘ୍ର ଏହାର ସୁଯୋଗ ନେବାକୁ ଅନୁରୋଧ କରାଯାଉଛି ।