ଫୁଲବାଣୀ:କନ୍ଧମାଳ ଜିଲାର ୧୨ଟି ବ୍ଲକ ପଞ୍ଚାୟତ ସମିତି ଉପାଧ୍ୟକ୍ଷ ନିର୍ବାଚନ ଶାନ୍ତିଶୃଙ୍ଖଳାର ସହ ଶେଷ ହୋଇଯାଇଛି । ଚକାପାଦ ବ୍ଳକ୍ ଉପାଧ୍ୟକ୍ଷ ଭାବେ ସୋମନାଥ ବେହେରା, କ.ନୁଆଁ ଗାଁ ବ୍ଲକରେ ଧବଳେଶ୍ୱର ପାତ୍ର ନିଦ୍ଦ୍ୱର୍ନ୍ଦରେ ନିର୍ବାଚିତ ହୋଇଥବା ବେଳେ ତୁମୁଡ଼ିବନ୍ଧର ସନ୍ତୋଷ ସାହୁ, ଟିକାବାଲି ବ୍ଲକରେ ପ୍ରସ୍ମିତା ପ୍ରଧାନ, ଖଜୁରୀପଡ଼ା ବ୍ଲକରେ ଅମିତ କୁମାର ଦିଗାଲ ଜି ଉଦୟଗିରି ବ୍ଲକର ଏନ ଲୁକ ନିଦ୍ଦ୍ୱର୍ନ୍ଦରେ ନିର୍ବାଚିତ ହୋଇଛନ୍ତି ।
ସେହିପରି ଦାରିଙ୍ଗବାଡି ବ୍ଲକର ସସ୍ମିତା ପ୍ରଧାନ, କୋଟଗଡ଼ ବ୍ଲକର ପୁଷ୍ପାଞ୍ଜଳି ଭାଟ, ରାଇକିଆ ରୀନା ପ୍ରଧାନ, ଫୁଲବାଣୀ ବ୍ଳକର ଶ୍ରୀନିବାସ ମଲିକ, ଫିରିଙ୍ଗିଆର ଅଜିତ କୁମାର ସାହୁ, ବାଲିଗୁଡ଼ାର ବ୍ଲକ୍ ନିକଜିନି ଦିଗାଲ ପ୍ରମୁଖ ନିର୍ବାଚିତ ହୋଇଛନ୍ତି । ନିର୍ବାଚିତ ହେବା ପରେ ପରସ୍ପରକୁ ଶୁଭେଚ୍ଛା ଓ ଅଭିବାଦନ ଭୋଜି ଭାତର ଆୟୋଜନ ହୋଇ ଏକ ଖୁସିର ମାହୋଲ ଦେଖାଦେଇଛି ।