ବାଲିଗୁଡ଼ା: ଦାରିଙ୍ଗବାଡ଼ି ହନୁମାନ ମନ୍ଦିର ପରିସରରେ ବିଶ୍ୱ ହିନ୍ଦୁ ପରିଷଦ ପକ୍ଷରୁ ହିନ୍ଦୁ ଜାଗରଣ ସଭା ଅନୁଷ୍ଠିତ ହୋଇଯାଇଛି । କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଜଲେଶପଟ୍ଟା ଓ ଚକାପାଦ ଆଶ୍ରମର ମୁଖ୍ୟ ପରିଚାଳକ ତଥା ବିଶ୍ୱ ହିନ୍ଦୁ ପରିଷଦ ରକେ କେନ୍ଦ୍ରୀୟ ମାର୍ଗଦର୍ଶନ ମଣ୍ଡଳୀ ସଦସ୍ୟ ପୂଜ୍ୟ ସ୍ୱାମୀଜୀ ଜୀବନ ମୁକ୍ତାନନ୍ଦ ଜୀ ଯୋଗ ଦେଇଥିବା ବେଳେ କନ୍ଧମାଳ ଜିଲ୍ଲା ବଜରଙ୍ଗ ଦଳ ସଂଯୋଜକ ରାକେଶ ମିଶ୍ର ଫୁଲବାଣୀ ପ୍ରଖଣ୍ଡ ବଜରଙ୍ଗ ଦଳ ସଂଯୋଜକ ସୌରଭ ପଟ୍ଟନାୟକ ଏବଂ ସହ ସଂଯୋଜକ ସୁରଜ କୁମାର ପାତ୍ର ଉପସ୍ଥିତ ରହିଥିଲେ । କାର୍ଯ୍ୟକ୍ରମରେ ଦାରିଙ୍ଗବାଡ଼ି ବ୍ଲକ ନିମନ୍ତେ ବଜରଙ୍ଗ ଦଳର ସଂଗଠନ ଗଠନ କରାଯାଇଥିବା ବେଳେ ଚୟନ କରାଯାଇଥିବା ୭ ଜଣକୁ ଖୁବ ଶୀଘ୍ର ଦାୟିତ୍ୱ ମିଳିବା ନେଇ ସୂଚନା ଦିଆଯାଇଛି । କାର୍ଯ୍ୟକ୍ରମକୁ ମିଟୁ ସାହୁ ପରିଚାଳନା କରିଥିବାବେଳେ ଦିଲୀପ କୁମାର ସାହୁ, ମୀନକେତନ ସାହୁ ,ସନ୍ତୋଷ କୁମାର ସାହୁ, ହରେନ କୁମାର ସାହୁ, ରଞ୍ଜିତ ସେନାପତି ଅରୁଣ ପ୍ରଧାନଙ୍କ ସମେତ ବହୁ ସଂଖ୍ୟକ ହିନ୍ଦୁ ଧର୍ମାବଲମ୍ବୀ ଉପସ୍ଥିତ ରହିଥିଲେ ।