ହରଭଙ୍ଗା: ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ରାମଗଡ ପଂଚାୟତ ପରିସରରେ ଆଜି(ବୁଧବାର) ଏକ କଳା ପାରା ଠାବ କରାଯାଇଛ । ପାରାର ଦୁଇ ଗୋଡରେ ଦୁଇଟି ରିଙ୍ଗ ଲାଗିଥିବା ବେଳେ ଡାହାଣ ଗୋଡ଼ ରିଙ୍ଗରେ ୧୩୭୧,୩୨୧୧ନଂ ଓ ପିଜନ ଲୋଫ୍ଟ ମାମାସେନ ଲେଖାଯିବା ସହ ଦୁଇ ପାରା ଉଡୁଥିବାର ଚିତ୍ର ଅଛି । ବାମ ଗୋଡ଼ ରିଙ୍ଗରେ କେପିଏସ-୨୦୨୧/୨୨୭ ଲେଖାଯାଇଛି । ଏହି ପାରାକୁ ନେଇ ନାନା ଚର୍ଚ୍ଚା ଆରମ୍ଭ ହୋଇଯାଇଛି । ଏହା ଗୁପ୍ତଚର କିମ୍ବା ପୋଲିସ ଟ୍ରେନିଂ ପାରା ବୋଲି ସନ୍ଦେହ କରାଯାଉଛି । ବୌଦ୍ଧ ଥାନାକୁ ଯୋଗାଯୋଗ କରିଥିବା ବେଳେ ଯୋଗାଯୋଗ ସମ୍ଭବ ନ ହେବାରୁ ପାରାଟିକୁ ରାମଗଡ଼ ପଞ୍ଚାୟତ ଅଫିସରେ ସୁରକ୍ଷିତଭାବେ ରଖାଯାଇଛି । ଉକ୍ତ ସମୟରେ ରାମଗଡ଼ ସରପଞ୍ଚ ପ୍ରତିନିଧି ଶୁଭେନ୍ଦୁ ଯୋଶୀ ଓ ପଂଚାୟତ କିଛି ସାଧାରଣ ଜନତା ଉପସ୍ଥିତ ରହିଥିଲେ ।