ହରଭଙ୍ଗା : ଶିକାରୀ ସହ ଗୋଟିଏ ଦେଶୀ ବନ୍ଧୁକ ଜବତ କରିଛି ବନ ବିଭାଗ । ବନବିଭାଗର ପେଟ୍ରୋଲିଂ ବେଳେ ବୌଦ୍ଧ ବନଖଣ୍ଡ ପୁରୁଣାକଟକ ରେଞ୍ଜ ଯାଜପୁର ସଂରକ୍ଷିତ ଜଙ୍ଗଲରୁ ଦୁଇ ଜନ୍ତୁ ଶିକାରୀଙ୍କୁ ଗିରଫ କରାଯାଇଛି । ୩ଟି ଅଫୁଟା ଶୀଷା ଗୁଳି ସହ ଗୋଟିଏ ବନ୍ଧୁକ ଓ ଟାଙ୍ଗିଆ ଜବତ । ଶିକାରୀ ଦୁଇଜଣ ଝାଡ୍ରାଜିଙ୍ଗ ଗ୍ରାମର ପ୍ରତାପ ଯାନୀ ଓ ଅଜୟ ଦେହୁରୀ ବୋଲି ଜଣାପଡିଛି । ସୂଚନା ମୁତାବକ ଆଜି ପୁରୁଣାକଟକ ରେଞ୍ଜ ଅନ୍ତର୍ଗତ ଘୋଡାଡିଆଁ ଗ୍ରାମ ନିକଟସ୍ଥ ଯାଜପୁର ସଂରକ୍ଷିତ ଜଙ୍ଗଲରେ ବନବିଭାଗ ପକ୍ଷରୁ ଏକ ଟିମ ରେଞ୍ଜର ନିହାର ରଞ୍ଜନ ମଲ୍ଲିକ ନେତୃତ୍ୱରେ ପେଟ୍ରୋଲିଂ କରୁଥିବା ବେଳେ ଦୁଇଜଣ ଶିକାରୀ ମଧ୍ୟରୁ ଜଣେ ଟାଙ୍ଗିଆ ଆଉଜଣେ ବନ୍ଧୁକ ଧରି ଏକ ବାର୍ହାକୁ ଶିକାର ପାଇଁ ଗୋଡାଉ ଥିବା ବେଳେ ଉଭୟଙ୍କୁ କାବୁ କରିଥିଲା ବନବିଭାଗ । ତାଙ୍କ ନିକଟରୁ ଏକ ଦେଶୀ ବନ୍ଧୁକ ସହ ୩ଟି ଅଫୁଟା ଶୀଷା ଗୁଳି ଓ ଗୋଟିଏ ଟାଙ୍ଗିଆ ଜବତ କରାଯାଇଛି । ତେବେ ଉଭୟଙ୍କୁ ଗିରଫ କରାଯାଇ ଅଧିକ ତଦନ୍ତ କରାଯାଇ କୋର୍ଟ ଚାଲାଣ କରାଯିବ ବୋଲି ପୁରୁଣାକଟକ ରେଞ୍ଜର ନିହାର ରଞ୍ଜନ ମଲ୍ଲିକ ସୂଚନା ଦେଇଛନ୍ତି