ସୁବର୍ଣ୍ଣପୁର: ସ୍ଥାନୀୟ ସରସ୍ୱତୀ ଶିଶୁ ବିଦ୍ୟା ମନ୍ଦିରରେ “ଆର୍ଟ ଅଫ ଲିଭିଙ୍ଗ” ତରଫରୁ ଦୀର୍ଘ ଛଅ ଦିନଧରି ହେପିନେସ କାର୍ଯ୍ୟକ୍ରମ (ଆନନ୍ଦ ଅନୁଭୂତି) ଶିବିର ଅନୁଷ୍ଠିତ ହୋଇ ରବିବାର ଦିନ ଏହା ଉଦଯାପିତ ହୋଇଥିଲା । । ଏହି ଅବସରରେ ବିଶ୍ୱ ପ୍ରସିଦ୍ଧ ସୁଦର୍ଶନ କ୍ରିୟାକୁ ଜୟଶ୍ରୀ ପଣ୍ଡା ଓ ବରୁଣ ମହନ୍ତଙ୍କ ତତ୍ତ୍ୱାବଧାନରେ ପ୍ରଶିକ୍ଷିତ କରାଯାଇଥିଲା । ଏହି ପ୍ରଶିକ୍ଷଣରେ ୩୨ଜଣ ଶାରୀରିକ ଓ ମାନସିକ ସ୍ତରରେ ଉପକୃତ ହୋଇଥିଲେ । ଏହି ଶିବିରରେ ବିଭିନ୍ନ ଆଧ୍ୟାତ୍ମିକତା ଜ୍ଞାନ ଓ କୌଶଳ ମଧ୍ୟ ଆଲୋଚନା ହୋଇଥିଲା । ଉକ୍ତ ଶିବିରକୁ ବନମାଳି ପଣ୍ଡା, ଅଧ୍ୟାପିକା ପ୍ରତିମା ରଥ, ଅନୁପ ଦର୍ଜୀ, ଶରତ ଶତପଥୀ, ନବ କିଶୋର ମିଶ୍ର, ଅମିତ ମହାପାତ୍ର ପ୍ରମୁଖ ସହଯୋଗ କରିଥିଲେ ।