ନବରଙ୍ଗପୁର: ହୋଟେଲ ତୃପ୍ତି ସମ୍ମିଳନୀ କକ୍ଷ ଠାରେ ନବରଙ୍ଗପୁର ଲାୟନ୍ସ କ୍ଳବ, ନନ୍ଦାହାଣ୍ଡି ଲାୟନ୍ସ କ୍ଳବ ଓ ନବରଙ୍ଗପୁର କ୍ଲାସିକ୍ କ୍ଳବର ମିଳିତ ଆନୁକୁଲ୍ୟରେ ଏକ ସଂସ୍ଥାପନା ଓ ଶପଥଗ୍ରହଣ ଉତ୍ସବ ପାଳନ ହୋଇଯାଇଛି । ଏହି କାର୍ଯ୍ୟକ୍ରମରେ ଭିଡିଜି ୧ ଲାୟନ୍ ଆଇ. ଭି. କୋଟେଶ୍ୱର୍ ରାଓ ମୁଖ୍ୟ ଅତିଥି ଭାବେ ଯୋଗ ଦେଇଥିବବେଳେ ସମ୍ମାନିତ ଅତିଥିରୂପେ ଭିଡିଜି ଲାୟନ୍ ସୁରେଶ ଚନ୍ଦ୍ର ପାଢି, ଭିଡିଜି ଲାୟନ ହରିହର ଦାସ, ଭିଡିଜି ଲାୟନ ସରସ୍ୱତୀ ପାତ୍ର, ଜୋନ ଚେୟାରମେନ ଲାୟନ ସନ୍ତୋଷ ମିଶ୍ର ପ୍ରମୁଖ ଯୋଗଦେଇଥିଲେ । ଲାୟନ୍ସ କ୍ଲବ ସଭାପତି ତଥା ବରିଷ୍ଠ ସମାଜସେବୀ ଲାୟନ୍ ଜଗନ୍ନାଥ ମହାପାତ୍ର କାର୍ଯ୍ୟକ୍ରମରେ ପୌରହିତ୍ୟ କରିଥିବା ବେଳେ ଲାୟନ ଡ. କେ. ଧନୁଞ୍ଜୟ ପଟ୍ଟନାୟକ ମଞ୍ଚ ପରିଚାଳନା କରିଥିଲେ । ଉକ୍ତ କାର୍ଯ୍ୟକ୍ରମରେ ଉପସ୍ଥିତ ରହି ଲାୟନ ସୁରେଶ ଚନ୍ଦ୍ର ପାଢୀ ତିନୋଟି କ୍ଳବର ନବ ନିର୍ବାଚିତ ସଦସ୍ୟ ମାନଙ୍କୁ ଶପଥ ପାଠ କରାଇଥବା ବେଳେ ଲୟାନ୍ ହରିହର ଦାସ ନୂତନ ଭାବେ କ୍ଲବର ସଦସ୍ୟତା ଗ୍ରହଣ କରିଥିବା ସମସ୍ତ ସଭ୍ୟସଭ୍ୟାଙ୍କୁ ଶପଥ ପାଠ କରାଇବା ସହ କ୍ଲବର ଇତିହାସ ସହ ନିଜର କ୍ଲବ ପ୍ରତି ଦାୟିତ୍ୱ ଓ କାର୍ଯ୍ୟାବଳୀ ସମ୍ପର୍କରେ ବିସ୍ତୃତ ଭାବେ ଆଲୋକପାତ କରିଥିଲେ । ଉକ୍ତ କାର୍ଯ୍ୟକ୍ରମରେ ନବ ନିର୍ବାଚିତ ସଭାପତିମାନେ ଶପଥ ନେଇ ଏଭଳି ଏକ ଅନ୍ତର୍ଜାତୀୟ ସାମାଜିକ ଅନୁଷ୍ଠାନର ଏକ ଗୁରୁଦାୟିତ୍ୱ ବହନ କରି ନିଜକୁ ଧନ୍ୟ ମନେ କରିବା ସହ ଆଗାମୀ ଦିନରେ କ୍ଲବରେ ବିଭିନ୍ନ ସମାଜ ଗଠନ ମୂଳକ କାର୍ଯ୍ୟକ୍ରମ ଆୟୋଜନ କରି ନିଜ ନିଜର ଅନୁଷ୍ଠାନକୁ ଏକ ଅଗ୍ରଣୀ ଅନୁଷ୍ଠାନରେ ପରିଣତ କରିବା ପାଇଁ ମତ ରଖିଥିଲ । ଶେଷରେ ସମ୍ପାଦକ ଲାୟନ୍ସ ଭୁବନେଶ୍ୱର ସୁର ଧନ୍ୟବାଦ ଅର୍ପଣ କରିଥିଲେ । ଏହି କାର୍ଯ୍ୟକ୍ରମରେ ଲାୟନ ପିଏଲ ମୂର୍ତ୍ତି, ଲାୟନ ଶେଖର, ଲାୟନ ଶ୍ରୀକାନ୍ତ ମହାନ୍ତି, ଲାୟନ ଅଖିଳ କୁମାର ଭଟ୍ଟ ପ୍ରମୁଖ ସହଯୋଗ କରିଥିବାବେଳେ ତିନି ଅନୁଷ୍ଠାନର ସମସ୍ତ ସଭ୍ୟସଭ୍ୟା ଯୋଗଦେଇଥିଲେ ।