ପୁରୀ : ପୁରୀ ଜିଲ୍ଲା ଅବକାରୀ ଅଧିକ୍ଷକ ଜଗଦୀଶ ଚନ୍ଦ୍ର ସାମଲଙ୍କ ନିର୍ଦ୍ଦେଶ କ୍ରମେ ପୁରୀ ଜିଲ୍ଲା ସଦର ରେଞ୍ଜର ନିରୀକ୍ଷିକା ମାନସୀ ସାହୁଙ୍କ ନେତୃତ୍ୱରେ ଏକ ଟିମ ବ୍ରହ୍ମଗିରି ଥାନା ଅଧୀନରେ ଥିବା ଅଲାରନାଥ ମହାବିଦ୍ୟାଳୟ ନିକଟ ଅଂଚଳରେ ଚଢ଼ାଉକରି ଦୀପ୍ତି ରଞ୍ଜନ ସେଠୀଙ୍କୁ ଗିରଫ କରିଛନ୍ତି । ତାଙ୍କ ଠାରୁ ୧୦୨ ଗ୍ରାମ ହେରୋଇନ ଜବତ କରାଯାଇଛି ଏବଂ ଜିଲ୍ଲା ସଦର ରେଞ୍ଜ କେସ ନଂ -୯୦/୨୩-୨୪ରୁଜୁ କରି କୋର୍ଟ ଚାଲାଣ କରାଯାଇଥିବାବେଳେ ଜାମିନ ନାମଞ୍ଜୁର ହେବାରୁ ପୁରୀ କାରଗାରକୁ ପଠାଯାଇଛି । ଜବତ ହେରୋଇନର ମୂଲ୍ୟ ପ୍ରାୟ ୧,୨୦,୦୦୦/-ଟଙ୍କାରୁ ଉର୍ଦ୍ଧ୍ୱ ହେବ । ଏହି ଚଢ଼ାଉରେ ଅବକାରୀ ଏଏସଇ ମାନସ ମିଶ୍ର, ପୂର୍ଣ୍ଣଚନ୍ଦ୍ର ନାୟକ, ଅଭିଜିତ ପ୍ରଧାନ, ଫିରୋଜ ମହାନଦୀଆ, ସଞ୍ଜପ୍ ହସ୍ତି, ଜ୍ୟୋତିସ୍ମିତା ଡାଙ୍ଗୁଆ ପ୍ରଧାନ ସାମିଲ ଥିଲେ ।