ହରଭଙ୍ଗା,୨୨/୮ – ବୌଦ୍ଧଜିଲ୍ଲା ହରଭଙ୍ଗା ଥାନା ଅନ୍ତର୍ଗତ ରାଉତପଡା ଗ୍ରାମରେ ଆଜି ସନ୍ଧ୍ୟା ଘ ୭.୩୦ ମି. ସମୟରେ ନିରଞ୍ଜନ ଦୀପ ନାମକ ୬୫ବର୍ଷର ଜଣେ ବୃଦ୍ଧଙ୍କୁ ଘର ବାହାରକୁ ଡାକିନେଇ ଗ୍ରାମର କିଛି ଯୁବକ ଟାଙ୍ଗିଆରେ ମରଣାନ୍ତକ ଆକ୍ରମଣ କରିଥିବା ଜଣାପଡିଛି। ଭୟରେ ପରିବାର ମହିଳା ମାନେ ଜୋର୍ ପାଟିକରି ସାହି ପଡିଶା ଲୋକଙ୍କୁ ଡାକ ପକାଇବାରୁ ସେମାନେ ଛାଡି ଚାଲିଯାଇଥିଲେ l ନିରଞ୍ଜନଙ୍କ ବେକ ଓ ପିଠିରେ ଗଭୀର କ୍ଷତ ହୋଇଛି | ପରିବାର ଲୋକ ତାଙ୍କୁ ଏକ ଅଟୋ ଯୋଗେ ହରଭଙ୍ଗା ସ୍ୱାସ୍ଥ୍ୟକେନ୍ଦ୍ରକୁ ଆଣିଥିଲେ।ସେଠାରେ ତାଙ୍କର ପ୍ରାଥମିକ ଚିକିତ୍ସା କରି ବୌଦ୍ଧ ମୁଖ୍ୟ ଚିକିତ୍ସାଳୟକୁ ଆଣିଥିବା ଜଣାପଡିଛି ।ଖବର ପାଇ ହରଭଙ୍ଗା ପୋଲିସ ରାଉତପଡା ଗ୍ରାମରେ ପହଞ୍ଚି ପଚରା ଉଚୁରା ଆରମ୍ଭ କରିଛି।ଆହତ ବ୍ୟକ୍ତି ଜଣକ ହରଭଙ୍ଗା ଭାଜପା ଯୁବ ମଣ୍ଡଳ ସଭାପତି ଅରୁପା ଦୀପଙ୍କର ବାପା ବୋଲି ଜଣାପଡିଛି।ଆକ୍ରମଣ ର ସଠିକ କାରଣ ଜଣା ପଡିନଥିଲେ ମଧ୍ୟ ଗାଁରେ ବିକ୍ରି ହେଉଥିବା କୁଚିଆ ମଦ କାରବାରକୁ ନେଇ କିଛି ଯୁବକ ତାଙ୍କ ବାପାଙ୍କୁ ସଙ୍ଗବଦ୍ଧ ଭାବେ ଆକ୍ରମଣ କରିଥିବା ତାଙ୍କର ପୁଅ ଅରୁପ ଦୀପ ଗଣମାଧ୍ୟମ କୁ କହିଛନ୍ତି।