ବୌଦ୍ଧ / ବାଉଁଶୁଣୀ,୧୫/୧- ଆଜି ସନ୍ଧ୍ୟା ପ୍ରାୟ 7 ଘଣ୍ଟା ସମୟରେ ଜାତୀୟ ରାଜପଥ ନମ୍ବର 57ର ବାଉଁଶୁଣି ମହାରାଜା ହୋଟେଲ ନିକଟରେ ଗୋଟିଏ ଧାନ ବୋଝେଇ ଟ୍ରାକ୍ଟର ଭାରସାମ୍ୟ ହରାଇ ଓଲଟି ପଡିଥିବା ଜଣାପଡିଛି l ମିଳିଥିବା ସୂଚନା ଅନୁଯାୟୀ ହିଲୁଙ୍ଗ ଗ୍ରାମର ଚାଷୀ ସତ୍ୟ ସାହୁ ଟ୍ରାକ୍ଟର ଯୋଗେ ବାଉଁଶୁଣି ସେବା ସମବାୟ ସମିତିର ଧାନ ମଣ୍ଡିକୁ ଧାନ ବିକ୍ରୀ ପାଇଁ ଆଣୁ ଥିବା ବେଳେ ଓଭର ଲୋଡ ଯୋଗୁଁ ଭାରସାମ୍ୟ ହରାଇ ଜାତୀୟ ରାଜପଥ ଉପରେ ଟ୍ରାକ୍ଟର ଓଲଟି ପଡିଥିଲା l ଟ୍ରାକ୍ଟର ରେ ଥିବା ଡ୍ରାଇଭର ଓ ଶ୍ରମିକ ମାନେ ସାମାନ୍ୟ ଆହତ ହୋଇ ଅଳ୍ପକେ ବର୍ତ୍ତି ଯାଇଥିବା ଜଣାପଡିଛି l ବାଉଁଶୁଣୀ ପୋଲିସ୍ ଦୁର୍ଘଟଣା ସ୍ଥଳରେ ପହଂଚି ତଦନ୍ତ କରୁଥିବା ଜଣାପଡିଛି l