ବୌଦ୍ଧ : ବୌଦ୍ଧ ଜିଲ୍ଲା ପ୍ରାଥମିକ ଶିକ୍ଷକ ସଂଘ ପକ୍ଷରୁ କାର୍ଯ୍ୟାଳୟରେ ନୂତନ ଭାରପ୍ରାପ୍ତ ଗୋଷ୍ଠୀଶିକ୍ଷା ଅଧିକାରୀଙ୍କୁ ସ୍ୱାଗତ ସମ୍ବର୍ଦ୍ଧନା କରାଯାଇଛି । ଏଥିରେ ରାଜ୍ୟ ପ୍ରାଥମିକ ଶିକ୍ଷକ ସଂଘର ଉପସଭାପତି ଶମ୍ଭୁଗିରୀଙ୍କ ନେତୃତ୍ୱରେ ବୌଦ୍ଧ ବ୍ଲକ ସଭାପତି ରାଜ କୁମାର ପ୍ରଧାନ, ଉପସଭାପତି ପ୍ରତାପ କହଁର ବେହେରା, କୋଷାଧ୍ୟକ୍ଷ ସୁଶାନ୍ତ କୁମାର ପଣ୍ଡା, ଜିଲ୍ଲା କାର୍ଯ୍ୟକାରିଣୀ ସଭ୍ୟା ରେଣୁପ୍ରଭା ବେହେରା, ଜିଲ୍ଲା ସମ୍ପାଦକ ମହେଶ କୁମାର ସେଠୀ, ଆଞ୍ଚଳିକ ସଂଯୋଜକ ମହନ ପରଡ଼ିଆ ପ୍ରମୁଖ ଉପସ୍ଥିତ ଥିଲେ । ଏହି ଅବସରରେ ସମସ୍ତ ଶିକ୍ଷକ ଶିକ୍ଷୟିତ୍ରୀ ଶିକ୍ଷାଦାନରେ ସହଯୋଗ କରି ଆଗାମୀ ଦିନରେ ପାଠପଢାରେ ଯେମିତି ବ୍ୟାହତ ନ ହେବ ଏବଂ ଶିକ୍ଷା ଦାନରେ ଯେମିତି ସୁଧାର ଆସିବ ଏଥିରେ ସହଯୋଗ କରିବାକୁ ପରାମର୍ଶ ଦେଇଥିଲେ । ରାଜ୍ୟ ସଙ୍ଘ ଉପସଭାପତି ଶ୍ରୀ ଗିରି ଛୋଟ ଛୋଟ ତୃଟିକୁ ମାର୍ଜନା କରି ଶିକ୍ଷାଦାନ କ୍ଷେତ୍ରରେ ଉଲ୍ଲେଖନୀୟ କାର୍ଯ୍ୟ କରିଥିବା ଶିକ୍ଷକ ଶିକ୍ଷୟିତ୍ରୀଙ୍କୁ ଉତ୍ସାହିତ କରିବାକୁ ଅନୁରୋଧ କରିଥିଲେ ।