ଭୁବନେଶ୍ୱର : ବିଶ୍ୱନାଥ ସିଂହ ଜାଡୋନ ଓଡିଶା ପ୍ରଧାନ ମହାଲେଖାକାର କାର୍ଯ୍ୟାଳୟ (୨)ର ନୂତନ ମହାଲେଖାକାର ଭାବେ କାର୍ଯ୍ୟଭାର ଗ୍ରହଣ କରିଛନ୍ତି । ଏହା ପୂର୍ବରୁ ସେ ତାମିଲନାଡୁ ଓ ପଡୁଚେରି ପ୍ରଧାନ ମହାଲେଖାକାର ଅଡିଟ କାର୍ଯ୍ୟାଳୟରେ ମହାଲେଖାକାର ଭାବେ କାର୍ଯ୍ୟ କରୁଥିଲେ । ସେ ତାପଜ ଯାନ୍ତ୍ରିକ ବିଭାଗରେ ଏମ. ଟେକ କରିବା ପରେ ଭାରତୀୟ ଅଡିଟ ଓ ଏକାଉଣ୍ଟସ ସେବାରେ ୨୦୦୩ ମସିହାରେ ଯୋଗଦାନ କରିଥିଲେ । ଆମେରିକାର ଆଇଏସ୍ଏସିଏ ଅନୁଷ୍ଠାନ ଦ୍ୱାରା ସୂଚନା ପ୍ରଣାଳୀ ବିଜ୍ଞାନର ଜଣେ ସ୍ୱୀକୃତିପ୍ରାପ୍ତ ଲେଖା ପରୀକ୍ଷକ ଭାବେ କୃତିତ୍ୱ ଅର୍ଜନ କରିବା ପରେ ଲଣ୍ଡନ ପ୍ରଧାନ ର୍ନିେଶକ କାର୍ଯ୍ୟାଳୟରେ ନିର୍ଦ୍ଦେଶକ ଭାବେ ଯୋଗଦେଇଥିଲେ ।
ଓଡିଶା ବିଧାନ ସଭାରେ ଉପସ୍ଥାପିତ ହେବାକୁ ଥିବା ପାରଫର୍ମାନ୍ସ ଓ କମ୍ପାଲାଏନ୍ସ ରିପୋର୍ଟ ପ୍ରସ୍ତୁତି, ପବ୍ଲିକ ଏକାଉଣ୍ଟସ କମିଟରେ ଆଲୋଚିତ ହେବାକୁ ଥିବା ସମସ୍ତ ବିଷୟ ତାଙ୍କ ନିର୍ଦ୍ଦେଶାନୁସାରେ କରାଯିବ । ଏହାଛଡା ସରକାରୀ ଉଦ୍ୟୋଗ ଓ ନିଗମ ଅଡିଟ ବିଭାଗ ତାଙ୍କ ଅଧୀନରେ ରହିବ ।
ଗତ ଫନି ପ୍ରଳୟଙ୍କରୀ ମହାବାତ୍ୟା ସମୟରେ ତାଙ୍କ ନେତୃତ୍ୱରେ ଭୁବନେଶ୍ୱର ଓ ପୁରୀରେ ଏ. ଜି ଆମ୍ବୁଲାନ୍ସ ଓ ଏ. ଜି କଲୋନୀ ସିଟିଜେନ କମିଟି ସଭ୍ୟଙ୍କ ସକ୍ରିୟ ସହଯୋଗରେ ଉଦ୍ଧାର ଏବଂ ରିଲିଫ କାର୍ଯ୍ୟ ସହ ବହୁ ଧନ ଜୀବନ ବଞ୍ଚାଇ ଥିବାରୁ ଭାରତର ମହାଲେଖା ନିୟନ୍ତ୍ରକ ତଥା ମହାସମୀକ୍ଷକଙ୍କ ଦ୍ୱାରା ସମ୍ମାନିତ ହୋଇଥିଲେ ।