ଦଶପଲ୍ଲା : ଦଶପଲ୍ଲାର ଅଗ୍ରଣୀ କ୍ରୀଡା ଅନୁଷ୍ଠାନ ସ୍ପୋର୍ଟିଭ ସ୍ପୋର୍ଟ୍ସ ସୋସାଇଟି ଆନୁକୂଲ୍ୟରେ ସ୍ଥାନୀୟ ଗାନ୍ଧୀ ମୈଦାନରେ ଦ୍ୱିତୀୟ ଦିବସରେ ସର୍ବଭାରତୀୟ ଦଶପଲ୍ଲା କପ ଫୁଟବଲ ପ୍ରତିଯୋଗିତାରେ ଆଜି ଏମ.ଜେ.ବି. ୟୁନାଇଟେଡ଼ ସରୋଜିନୀ ନଗର ନୂଆଦିଲ୍ଲୀ ଓ ଭଞ୍ଜନଗର ଫୁଟବଲ ଏକାଡେମୀ, ଭଞ୍ଜନଗର ମଧ୍ୟରେ ଖେଳ ଅନୁଷ୍ଠିତ ହୋଇଥିଲା । ଆଜିର ଖେଳ ଅତ୍ୟନ୍ତ ଚିତ୍ତାକର୍ଷକ ଓ ସଂଘର୍ଷପୂର୍ଣ୍ଣ ହୋଇଥିବାବେଳେ ଆଜିର ଖେଳ ଶେଷସୁଦ୍ଧା କେହି କାହାକୁ ଗୋଲ୍ ଦେଇପାରି ନ ଥିଲେ । ଶେଷରେ ଟାଇ ବ୍ରେକର ସହାୟତାରେ ଏମ. ଜେ . ବି. ୟୁନାଇଟେଡ଼, ସରୋଜିନୀ ନଗର, ନୂଆଦିଲ୍ଲୀ ୪ ଟି ଗୋଲ ଦେଇଥିଲା । ଏହାର ପ୍ରତି ବଦଳରେ , ଭଞ୍ଜନଗର ଫୁଟବଲ ଏକାଡେମୀ, ଭଞ୍ଜନଗର ୩ ଟି ଗୋଲ ପରିଶୋଧ କରିଥିଲା । ଟ୍ରାଇବ୍ରେକର ସାହାଯ୍ୟରେ ୪- ୩ ଗୋଲରେ ନୂଆଦିଲ୍ଲୀ ବିଜୟ ଲାଭ କରିଥିଲା । ରେଫରୀ ସୋପ୍ନେଶ୍ୱର କହଁର, ଲାଇନ୍ସରେ ପ୍ରତାପ ମୁଦୁଲି ଓ ରବୀନ୍ଦ୍ର ନାଥ ନାୟକ ଖେଳ ପରିଚାଳନା କରିଥିବା ବେଳେ ଆଜିର ଅତିଥି ଭାବରେ ଦଶପଲ୍ଲା ଥାନା ଅଧିକାରୀ ମୁକେଶ କୁମାର ବେହେରା ମହୋଦୟ ଉପସ୍ଥିତ ରହିଥିଲେ ।