ଘୁ ଉଦୟଗିରି: ଉଦୟଗିରିର ପୌର ନିର୍ବାଚନ ନିମନ୍ତେ କେବଳ ଗୋଟିଏ ଦିନ ବାକି ଥିବା ବେଳେ ସମସ୍ତ ଦଳ ନିଜର ଶକ୍ତି ପ୍ରଚାର ମଇଦାନରେ ଦେଖାଉଛନ୍ତି । କିଏ ଘର ଘର ବୁଲି ଲୋକମାନଙ୍କୁ ନିଜ ସପକ୍ଷରେ ଭୋଟ ମାଗୁଛନ୍ତି ତ କିଏ ମାରାଥନ ପ୍ରଚାର କରି ଭୋଟର ମାନଙ୍କର ଦୃଷ୍ଟି ଆକର୍ଷଣ କରୁଛନ୍ତି । ସେହିପରି ଶାସକ ଦଳ ବିଜେଡି ପକ୍ଷରୁ ସ୍ଥାନୀୟ ବିଜେଡି ନଗର ସଭାପତି ଗୋପାଳ ମହାପାତ୍ରଙ୍କ ନେତୃତ୍ୱରେ ସହରେ ଶତାଧିକ କର୍ମୀଙ୍କ ସହ ବାଇକ୍ ରାଲିରେ ୧୩ ଗୋଟି ୱାର୍ଡରେ ପରିଭ୍ରମଣ କରୁଥିବା ଦେଖିବାକୁ ମିଳିଛି । ଏହି ରାଲିରେ ଘୁ ଉଦୟଗିରି ବିଧୟକ ସାଲୁଗା ପ୍ରଧାନ ଓ ପର୍ଯ୍ୟବେକ୍ଷକ କିଶୋର ମେହେର ଯୋଗ ଦେଇଥିବା ବେଳେ ୧୩ଗୋଟି ୱାର୍ଡର ବିଜେଡି କାଉନସିଲର ପାର୍ଥୀମାନେ ଓ ଅଧ୍ୟକ୍ଷା ପାର୍ଥୀ ଭାନୁପ୍ରଭା ମିଶ୍ର ଯୋଗଦେଇଥିଲେ ।