ଖପ୍ରାଖୋଲ : ବଲାଙ୍ଗୀର ଜିଲ୍ଲା ଅନ୍ତର୍ଗତ ଖପ୍ରାଖୋଲ ଉତ୍କଳ ଗ୍ରାମୀଣ ବ୍ୟାଙ୍କଠାରେ ଦୁର୍ବୃତ୍ତଙ୍କ ଚୋରି ଉଦ୍ୟମ ପଣ୍ଡ । ଉତ୍କଳ ଗ୍ରାମୀଣ ବ୍ୟାଙ୍କ ଶାଖାର ଗେଟର ତାଲା ଭଙ୍ଗା ହେଇଥିବା ଦେଖି କିଛି ଗ୍ରାମବାସୀ ପୋଲିସକୁ ଖବର ଦେଇଥିଲେ । ଏନେଇ ସୂଚନା ମିଳିବା ପରେ ଖପ୍ରାଖୋଲ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲେ । ସୂଚନାନୁଯାୟୀ, ଶନିବାର ରାତିରେ ଦୁର୍ବୃତ୍ତମାନେ ବ୍ୟାଙ୍କର ଗେଟ୍କୁ ଗ୍ୟାସ୍ କଟରରେ କାଟି ଭିତରକୁ ପଶି ଚୋରି କରିବାକୁ ଉଦ୍ୟମ କରି ବ୍ୟାଙ୍କ ଭିତରେ କିଛି ନପାଇ ଫେରିଆସିଥିଲେ । ଘଟଣାକୁ ନେଇ ଖପ୍ରାଖୋଲ ଥାନାଧିକାରୀ ରମାକାନ୍ତ ସାହୁଙ୍କୁ ପଚାରିବାରୁ ସେ କହିଥିଲେ ଯେ ଘଟଣାର ତଦନ୍ତ ଚାଲିଛି ଖୁବଶୀଘ୍ର ଚୋର ଧରା ପଡିବ ।