ନୂଆପଡ଼ା : ନୂଆପଡା ଜିଲ୍ଲା ସିନାପାଲି ଥାନାରେ ନୂତନ ଥାନାଧିକାରୀ ଭାବରେ ଶ୍ରୀମତୀ ରଶ୍ମିତା ପ୍ରଧାନ ଯୋଗଦାନ କରିଛନ୍ତି । ସିନାପାଲି ଥାନା ଅଧିକାରୀ ଡମ୍ବରୁଧର ପ୍ରଧାନଙ୍କ ବଦଳି ପରେ ଏହି ପଦବୀ ରେ ଯୋଗଦାନ କରିଛନ୍ତି । ସିନାପାଲି ବ୍ଲକ ଛତିଶଗଡ଼ ସୀମାରେ ରହିଥିବା ବେଳେ ଏଠାରେ ପେଟ୍ରୋଲିଂ କଡ଼ା କଡି କରାଯିବା ସହ ଶାନ୍ତି ବଜାୟ ରଖିବା ସହ ସମନ୍ୱୟ ରକ୍ଷା କରି ଜନସାଧାରଣଙ୍କ ଅଭିଯୋଗକୁ ଗୁରୁତ୍ୱ ଦେଇ ସମସ୍ତଙ୍କ ସହଯୋଗରେ କାର୍ଯ୍ୟ କରାଯିବା ସହିତ ସିନାପାଲି ଥାନାକୁ ଏକ ଆଦର୍ଶ ଥାନାରେ ପରିଗଣିତ କରିବା ପାଇଁ ସମସ୍ତଙ୍କ ସହଯୋଗ ଆବଶ୍ୟକ ବୋଲି ପ୍ରକାଶ କରିଥିଲେ । ଯୋଗଦାନ ପରେ ନୂଆପଡ଼ା ଜିଲ୍ଲା ଯୁବ ସାମ୍ବାଦିକମାନଙ୍କ ତରଫରୁ ସ୍ୱାଗତ ଜଣାଇବା ସହ ଅଞ୍ଚଳର ବିଭିନ୍ନ ଦିଗ ଉପରେ ଆଲୋଚନା କରିଥିଲେ । ଏଥିରେ ବରିଷ୍ଠ ସାମ୍ୱାଦିକ ଜଗନ୍ନାଥ ସାଗର, ଦିନେଶ ଛତ୍ରିଆ, ଧର୍ମେନ୍ଦ୍ର କୁମାର ଗହିର, ପରମେଶ୍ୱର ମେହେର, ମୂଜାଫର ଖାନ,ଝଙ୍କେଶ୍ୱର ବନ୍ଦିଛୋର୍, କାର୍ତ୍ତିକ ମହାନନ୍ଦଙ୍କ ସମେତ ଅନେକ ଯୁବ ସାମ୍ବାଦିକ ଉପସ୍ଥିତ ଥିଲେ ।