ନୂଆଗାଁ : ନୟାଗଡ ଜିଲ୍ଲା ନୂଆଗାଁ ଜାତୀୟ ରାଜପଥ ୫୭ନଂ କୋରଡ ଗୋଡିସାହି ନିକଟରେ ଘଟିଛି ମର୍ମନ୍ତୁଦ ସଡକ ଦୁର୍ଘଟଣା । ସୂଚନା ଥାଉକି ଦଶପଲ୍ଲାରୁ ନୟାଗଡ ଅଭିମୁଖେ ଯାଉଥିବା ବେଳେ ଏହି ଦୁର୍ଘଟଣା ଘଟିଥିବାର ସୂଚନା ମିଳିଛି । ମହିତମା ଗ୍ରାମର ଖଗୁଲି ନାୟକ ଓ ଚନ୍ଦନ ନାୟକ ବାଇକ ଦ୍ୱାରା ନୂଆଗାଁ ଆସୁଥିବା ସମୟରେ ଗାଡିର ଚକା ସ୍ଲିପ ହେବାରୁ ଭାରସାମ୍ୟ ହରାଇ ରାସ୍ତା ଉପରେ ପଡିଯାଇଥିଲେ । ଉଭୟଙ୍କର ଦେହର ବିଭିନ୍ନ ଅଙ୍ଗରେ ଆଘାତ ଲାଗିଥିଲା । ସ୍ଥାନୀୟ ଜନସାଧାରଣ ନୂଆଗାଁ ଅଗ୍ନିସମ ବାହିନୀକୁ ଖବର ଦେବା ପରେ ସେମାନେ ଘଟଣା ସ୍ଥଳରେ ପହଞ୍ଚି ନୟାଗଡ ମୁଖ୍ୟ ସ୍ୱାସ୍ଥ୍ୟ କେନ୍ଦ୍ରକୁ ସ୍ଥାନାନ୍ତର କରିଛନ୍ତି ।