ଘୁ ଉଦୟଗିରି: ସ୍ଥାନୀୟ ସମନ୍ୱିତ ସଭା ଗୃହରେ ଆଜି ବ୍ଲକ ସ୍ତରୀୟ ଜନଶୁଣାଣୀ କାର୍ଯ୍ୟକ୍ରମ ଅନୁଷ୍ଠିତ ହୋଇଥିବା ବେଳେ ମୁଖ୍ୟ ଅତିଥି ଭାବରେ ସ୍ଥାନୀୟ ଗୋଷ୍ଠୀ ଉନ୍ନୟନ ଅଧିକାରୀ ଓ ପଞ୍ଚାୟତ ସମିତି ଅଧକ୍ଷା ସୁଷମା ପ୍ରଧାନ ଯୋଗ ଦେଇଥିଲେ । କାର୍ଯ୍ୟକ୍ରମରେ ବ୍ଲକ ଅଧିନରେ ଥିବା ୮ ଗୋଟି ପଞ୍ଚାୟତର ସରପଞ୍ଚ, ପଞ୍ଚାୟତ ନିର୍ବାହୀ ଅଧିକାରୀ, ଜିଆର୍ଏସ, କନିଷ୍ଠ ଯନ୍ତ୍ରୀ, ଗ୍ରାମପଞ୍ଚାୟତ ସମ୍ପ୍ରସାରଣ ଅଧିକାରୀ, ଲାଇନ୍ ଡିପାର୍ଟମେଣ୍ଟ ଅଧିକାରୀ,ଗାଁ ସାଥି, ବ୍ଲକ ସାସିଆଲ ଅଡିଟର, ସମସ୍ତ ଭିଆରସି, ଶ୍ରମଜୀବୀ ଏବଂ ସମସ୍ତ ମନରେଗା କର୍ମଚାରୀ ବୃନ୍ଦ ଉପସ୍ଥିତ ଥିଲେ । ଅତିରିକ୍ତ କାର୍ଯ୍ୟକ୍ରମ ଅଧିକାରୀ ଶ୍ରୀମତୀ ଗାୟତ୍ରୀ ସାହୁ କାର୍ଯ୍ୟକ୍ରମର ସୁପରିଚାଳନା କରିଥିବା ବେଳେ ଏହି ମହାତ୍ମା ଗାନ୍ଧୀ ଜନ ଶୁଣାଣିରେ ବ୍ଲକ ସ୍ତରରେ କାର୍ଯ୍ୟ କରାଯାଇଥିବା ପ୍ରକଳ୍ପ ଓ ଖର୍ଚ୍ଚ ସମନ୍ଧିୟ ବିବରଣୀ ଅତିରିକ୍ତ କାର୍ଯ୍ୟକ୍ରମ ଅଧିକାରୀ ସୂଚନା ପ୍ରଦାନ କରିଥିଲେ । ସେହିଭଳି ଭାବେ ପ୍ରତ୍ୟେକ ଗ୍ରାମପଞ୍ଚାୟତ ଏବଂ ଲାଇନ୍ ଡିପାର୍ଟମେଣ୍ଟ ଅଧିକାରୀ ନିଜ ନିଜର ପ୍ରକଳ୍ପ ଏବଂ ଖର୍ଚ୍ଚର ବିବରଣୀ ପ୍ରଦାନ କରିଥିଲେ । ଏହି ଜନ ଶୁଣାଣିରେ ସର୍ବମୋଟ ୨ ଗୋଟି ଅଭିଯୋଗ ଆସିଥିଲା ତାହା ସମାଧାନ ପାଇଁ ଗୋଷ୍ଠୀ ଉନ୍ନୟନ ଅଧିକାରୀ ପଞ୍ଚାୟତ ନିର୍ବାହୀ ଅଧିକାରୀଙ୍କୁ ଅଧିକାରୀ ଦେଇଥିଲେ । ଏହି କାର୍ଯ୍ୟକ୍ରମକୁ ସୁପରିଚାଳନା ପାଇଁ ଏ ସି ପି.ଏନ୍ ସୁସଭୋନ,ମନରେଗା ସହାୟକ ଦେବାଶିଷ ମିଶ୍ର ଏବଂ ଜାକେଶ ପ୍ରଧାନ ସହଯୋଗଗ କରିଥିଲେ