ଜହ୍ନାପଙ୍କ,୫/୪: ବୌଦ୍ଧ ବ୍ଳକ ଜହ୍ନାପଙ୍କ ସ୍ଥିତ ଗନ୍ଧରାଡି କନିଷ୍ଠ ମହାବିଦ୍ୟାଳୟଠାରେ ଅଧ୍ୟକ୍ଷ ରମାକାନ୍ତ ପଣ୍ଡାଙ୍କ ଅଧ୍ୟକ୍ଷତାରେ ଛାତ୍ରୀମାନଙ୍କ ଆତ୍ମରକ୍ଷା ତାଲିମ ଶିବିର ମଙ୍ଗଳବାର ଉଦଘାଟିତ ହୋଇଯାଇଛି । ଅନୁଷ୍ଠିତ ସଭାରେ ମୁଖ୍ୟବକ୍ତା ଭାବେ ଅଧ୍ୟାପକ ଅଶୋକ ପାଣ୍ଡିଆ ଯୋଗଦେଇ ଆତ୍ମରକ୍ଷା ତାଲିମ କାହିଁକି ଛାତ୍ରୀମାନଙ୍କ ପାଇଁ ଜରୁରୀ ତାରି ବ୍ୟବହାର ଓ ଉପଯୋଗ ସମ୍ପର୍କରେ କହିଥିଲେ । ସମ୍ମାନିତ ଅତିଥି ଭାବେ ସାମ୍ବାଦିକ ସୁଧାଂଶୁ ମିଶ୍ର ଯୋଗ ଦେଇ ଯେତେବେଳେ ଛାତ୍ରୀ ମାନେ ମନୋବଳ ଦୃଢ଼ କରିବେ ସେତେବେଳେ ଯାଇ ନିଜକୁ ସୁରକ୍ଷିତ ବୋଲି ଭାବିବେ ବୋଲି ପରାମର୍ଶ ଦେଇଥିଲେ । ଶାରୀରିକ ଅଧ୍ୟାପକ ସୁଭାଷ ଭୋଇ ସଭା ପରିଚାଳନା କରିଥିଲେ । ତାଲିମଦାତ୍ରୀ ଭାବେ ରୋଜାଲୀନ ରାଜହଂସ ଓ ସୁପ୍ରିୟା ପ୍ରଧାନ ଯୋଗଦେଇ ତାଲିମ ପ୍ରଦାନ କରୁଛନ୍ତି । କାର୍ଯ୍ୟକ୍ରମରେ ସମସ୍ତ ଅଧ୍ୟାପକ ଓ କର୍ମଚାରୀ ସହଯୋଗ କରିଥିଲେ । ଏହି ଶିବିରରେ ୧୦୦ରୁ ଉର୍ଦ୍ଧ୍ୱ ଛାତ୍ରୀ ଯୋଗ ଦେଇଥିଲେ । ଏହି ଶିବିର ଆସନ୍ତା ୧୩ ତାରିଖରେ ଉଦଯାପିତ ହେବ ।