ବାଲେଶ୍ଵର: ମୟୂରଭଞ୍ଜ ସିମାନ୍ତ ଝରିଆ ଗ୍ରାମରେ ହାତୀ ଆକ୍ରମଣରେ ଜଣେ ୫୭ ବର୍ଷ ବୟସ୍କ ବୃଦ୍ଧଙ୍କ ମୃତ୍ୟୁ ଘଟିଛି। ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ଜାରି ରହିଛି।
ସୂଚନା ଅନୁସାରେ ଭୋର ୫ଟା ସମୟରେ ଝରିଆ ଗ୍ରାମର ଭୋଲା ରାମ (୫୭) ସପରିବାର ଘରେ ଶୋଇଥିବା ବେଳେ, ବାହାରେ କିଛି ଶବ୍ଦ ଶୁଣି କବାଟ ଖୋଲିବା ପରେ ଘର ବାହାରେ ଥିବା ହାତୀଟି ତାଙ୍କୁ ଘୋଷାଡ଼ି ନେଇଥିଲା। ପରିବାର ଲୋକେ ଜାଣିବା ପୂର୍ବରୁ ଭୋଲାକୁ ହାତୀ ଦଳି ଦେଇଥିଲା। ମୃତ ଭୋଲାର ଚାରି ଜଣ ଝିଅ ଥିବା ଜଣାଯାଇଛି।ଭୋଲାଙ୍କ ପରିବାରରେ ଆଉ କେହି ରୋଜଗାରକ୍ଷମ ନଥିବାରୁ ତାଙ୍କୁ କ୍ଷତିପୂରଣ ଦାବି କରିଛନ୍ତି ଗ୍ରାମବାସୀ। ଏଥି ସହିତ ଉକ୍ତ ସୀମାନ୍ତ ଅଞ୍ଚଳରେ ବାରମ୍ବାର ହାତୀ କ୍ଷତି କରିଚାଲିଥିବା ବେଳେ ତୁରନ୍ତ ଉକ୍ତ ଅଞ୍ଚଳରେ ବନ ବିଭାଗକୁ ଅଧିକ ସକ୍ରିୟ କରିବାକୁ ଦାବି ହେଉଛି। ବନବିଭାଗ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛନ୍ତି।