ପାଟଣାଗଡ଼ : ବଲାଙ୍ଗୀର ଜିଲ୍ଲା ପାଟଣାଗଡ ଉପଖଣ୍ଡ ବେଲପଡା ଥାନା ତଅଁଲା ଗାଁ ନିକଟ ଏକ ନାଳରୁ ଯୁବକଙ୍କ କ୍ଷତାକ୍ତ ମୃତଦେହ ଉଦ୍ଧାର କରିଛି ପୁଲିସ । ଉଦ୍ଧାର ମୃତଦେହ ତଅଁଲା ଗାଁର ପୁରୋଷୋତ୍ତମ ବେହେରା । ତେବେ କିପରି ଭାବରେ ଯୁବକଙ୍କ ମୃତ୍ୟୁ ହେଲା ତାହା ସନ୍ଦେହ ଘେରର ଥିବାବେଳେ ବେଲପଡା ପୁଲିସ ଘଟଣାର ସ୍ଥଳରେ ପହଂଚି ଅଧିକ ତଦନ୍ତ ଜାରି ରଖିଛି ।
ମିଳିଥିବା ସୂଚନା ଅନୁସାରେ ପୁରୋଷାତ୍ତମ ନିଜ ବାଇକରେ ଘରୁ ବାହାରି ଆଉ ଘରକୁ ଫେରିନଥିଲେ । ସଂଧ୍ୟା ହେବାରୁ ପରିବାର ଲୋକ ଖୋଜାଖୋଜି କରିବାରୁ ଗାଁ ନର୍ସରୀ ନିକଟରେ ବାଇକ ଛିଡା ଥିବା ଦେଖିଥିଲେ । ପରେ ଏକ ନାଳରେ ମୃତଦେହ ପଡ଼ିଥିବା ଦେଖିବାକୁ ପାଇଥିଲେ । ତାଙ୍କୁ ହତ୍ୟା କରାଯାଇଥିବା ନେଇ ବେଲପଡା ଥାନାରେ ଖବର ଦେବା ପରେ ଗାଁରେ ପୁଲିସ ପହଁଚି ତଦନ୍ତ ଜାରି ରଖିଛି ।