ନନ୍ଦାହାଣ୍ଡି : ମଦ୍ୟପ ସ୍ୱାମୀର ଉନ୍ମୁକ୍ତ କାଣ୍ଡ,ନିଶାସକ୍ତ ଅବସ୍ଥାରେ ହତ୍ୟା କଲା ସ୍ତ୍ରୀକୁ । ଏଭଳି ଘଟଣା ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ନନ୍ଦାହାଣ୍ଡି ବ୍ଲକ ସିନ୍ଧିଗୁଡା ପଞ୍ଚାୟତ ଅନ୍ତର୍ଗତ ବଡ଼ ଡାଇଭଟା ଗ୍ରାମରେ । ଘଟଣା ଅନୁସାରେ ବଡ଼ ଡାଇଭଟା ଗ୍ରାମର ରବି ଖିଲ ଓ ତାଙ୍କ ସ୍ତ୍ରୀ ସସ୍ମିତା ଖିଲ ରାସ୍ତା କଡ଼ରେ ପଡାମକା ବିକ୍ରି କରି ଦୁଇ ପୁଅ ସହ ପରିବାର ପୋଷଣ କରୁଥିଲେ । ରବି ଓ ସସ୍ମିତା ପ୍ରଚୁର ମଦ୍ୟପାନ କରି ଦୁଇ ଜଣ ମଧ୍ୟରେ ଗତକାଲି ରାତି ଗଣ୍ଡଗୋଳ ହୋଇଥିଲା । ରବି ଛତା ଓ ହାତ ଦ୍ୱାରା ପିଟିପିଟି ସସ୍ମିତାକୁ ନିଜ ହାତରେ ମାରିଥିବାର ଅଭିଯୋଗ କରିଛନ୍ତି ପରିବାର ବର୍ଗ । ହେଲେ ପରବର୍ତ୍ତୀ ଦିନ ଅର୍ଥାତ ଆଜି ସକାଳ ୯ ଘଣ୍ଟା ସମୟରେ ପଡିଶା ଘର ଜାଣି ବନ୍ଧୁବର୍ଗ ଓ ପୋଲିସକୁ ଖବର ଦେଇଥିଲେ । ଘଟଣା ସ୍ଥଳରେ ପୋଲିସ ଓ ସାଇଣ୍ଟିଫିକ୍ ଟିମ୍ ପହଞ୍ଚି ଶବ ଜବତ କରିବା ସହ ଆସାମୀ ରବି ଖିଲାକୁ ଅଟକ ରଖିଛି । ଶବକୁ ସ୍ଥାନୀୟ ମୁଖ୍ୟ ଚିକିତ୍ସାଳୟରେ ଆଣି ରଖିବା ସହ ଏକ ମାମଲା ରୁଜୁ କରାଯାଇଛି । ସ୍ଥାନୀୟ ପୋଲିସ ଘଟଣାର ତଦନ୍ତ ଆରମ୍ଭ କରିବା ସହ ଶବ ବ୍ୟବଚ୍ଛେଦ ପରେ ପରିବାରବର୍ଗଙ୍କୁ ହସ୍ତାନ୍ତର କରାଯିବ ବୋଲି ସୂଚନା ଦେଇଛି ।