ବାଲିଗୁଡ଼ା, କନ୍ଧମାଳ ଜିଲ୍ଲା ବାଲିଗୁଡା ଉପଖଣ୍ଡ ଅନ୍ତର୍ଗତ କ.ନୂଆଗାଁ ବ୍ଲକ୍ ଗୁମାପଦର ସ୍ଥିତ ଶ୍ରୀ ଜଗନ୍ନାଥ ଯୁବକ ସଂଘ ଆନକୂଲ୍ୟରେ ଜିଲ୍ଲା ସ୍ତରୀୟ କବାଡି ପ୍ରତିଯୋଗୀତା ଆଠ ଦିନ ଧରି ଆୟୋଜିତ ହେବା ପରେ ମଙ୍ଗଳବାର ଫାଇନାଲ ମ୍ୟାଚ୍ ଅନୁଷ୍ଠିତ ହୋଇ ଯାଇଛି । ଏଥିରେ ମୁଖ୍ୟ ଅତିଥି ଭାବେ ବାଲିଗୁଡ଼ା ବିଧାୟକ ଚକ୍ରମଣି କହଁର, ସମ୍ମାନିତ ଅତିଥି ଭାବେ ବ୍ଲକ୍ ବିଜେଡି ସଭାପତି ଭାଗ୍ୟବାନ ବେହେରା,ବିଜେଡି ସଂଗଠକ ଗଦାଧର କହଁର, ଅଚ୍ୟୁତାନନ୍ଦ ପାତ୍ର, ନିଉଜ୍ ସେଭେନ୍ ପ୍ରତିନିଧି ପ୍ରମୋଦ କୁମାର ଦଣ୍ଡସେନା ପ୍ରମୁଖ ଯୋଗ ଦେଇଥିଲେ । ଏହି ମ୍ୟାଚରେ ସମୁଦାୟ ଚବିଶି ଟି ଦଳ ଅଂଶ ଗ୍ରହଣ କରିଥଲେ । ବାରଖମା ଦଳ ଓ ଗୋଛାପଡା ଦଳ ଫାଇନାଲକୁ ପ୍ରବେଶ କରିଥିଲେ । ଉଭୟ ଦଳର ଖେଳାଳୀ ଚିତ୍ତାକର୍ଷକ କ୍ରୀଡା ପ୍ରଦର୍ଶନ କରିଥଲେ ଏବଂ ଗୋଛାପଡ଼ା ଦଳ ବିଜୟ ଲାଭ କରିଥିଲା । ଆମନ୍ତ୍ରିତ ଅତିଥି ଗଣ ବିଜେତା ଓ ଉପ ବିଜେତା ଦଳ ଙ୍କୁ ଟ୍ରଫି ସହିତ ନଗଦ ଅର୍ଥ ରାଶି ପ୍ରଦାନ କରିଥିଲେ । ଶ୍ରୀ ଜଗନ୍ନାଥ ଯୁବକ ସଂଘ ର ସଭାପତି ମୁନି ଡିଗାଲ, ଉପ ସଭାପତି ସଚିଦାନନ୍ଦ ପାତ୍ର, ବିରସିଂହ ପାତ୍ର, ମଳୟ ପାତ୍ର, ବିସ୍କେସନ ପାତ୍ରଙ୍କ ସମେତ ସଂଘର ସମସ୍ତ କାର୍ଯ୍ୟକର୍ତ୍ତା ଓ ଗୁମାପଦର ଗ୍ରାମବାସୀଙ୍କ ଉଦ୍ୟମରେ ସଫଳତାର ସହ ଆୟୋଜନ ହୋଇଥିଲା । ଫାଇନାଲ ମ୍ୟାଚ ଦେଖିବାକୁ ସ୍ଥାନୀୟ ଅଞ୍ଚଳର ଶତାଧିକ ପୁରୁଷ ମହିଳା ଯୁବକ ଯୁବତୀ ଯୋଗ ଦେଇଥିଲେ ।