ସୁବର୍ଣ୍ଣପୁର: ସୋନପୁର ଶିକ୍ଷା ବିକାଶ ସମିତି ପକ୍ଷରୁ ସ୍ଥାନୀୟ କୃଷି ବିଜ୍ଞାନ କେନ୍ଦ୍ରଠାରେ ସେବା ଓ ସମର୍ପଣ ଦିବସ ପାଳିତ ହୋଇଛି । ଶିକ୍ଷା ବିକାଶ ସମିତିର ମୁଖ୍ୟ ଉପଦେଷ୍ଟା ଦିବଂଗତ ଈଶ୍ୱର ବିଭାରଙ୍କ ପୁଣ୍ୟ ତିଥି ଅବସରରେ ତାଙ୍କ ତ୍ୟାଗ ଭାବକୁ ସ୍ମରଣ ପୂର୍ବକ ଶ୍ରଦ୍ଧାଞ୍ଜଳି ଅର୍ପଣ କରାଯାଇ ଥିଲା । ଇ-ମଡେଲ୍ ପବ୍ଲିକ ସ୍କୁଲର ପ୍ରତିଷ୍ଠାତା ଶିକ୍ଷାବିତ୍ କ୍ଷୀରସାଗର ବିଭାରଙ୍କ ସଭାପତିତ୍ୱରେ ଅନୁଷ୍ଠିତ ସମାରୋହରେ ଉମାକାନ୍ତ ନାଗ, ସଞ୍ଜୟ ସାହୁ, ଅନିଲ ମହତୋ, ସୁଶୀଳ କୁମାର ଅମାତ, ଗେଥଲ କୁଅଁର ପ୍ରମୁଖ ଅତିଥି ଭାବେ ଯୋଗ ଦେଇଥିଲେ । ଏହି ଅବସରରେ ଦୁଇ ବିଶିଷ୍ଟ ବ୍ୟକ୍ତିଙ୍କୁ ସମ୍ମାନିତ କରାଯାଇଥିଲା । ସାମ୍ବାଦିକ ଧରଣୀଧର ମିଶ୍ର ଏବଂ ସମାଜସେବୀ ରାମଗୋପାଳ ବାଗଙ୍କୁ ସେବା ଓ ସମର୍ପଣ ସମ୍ମାନ ୨୦୨୨ରେ ସମ୍ବର୍ଦ୍ଧିତ କରାଯାଇଥିଲା ।
ଅଶେଷ ମହାକୁର, କରୁଣାକର ଖୁରା, ଶୁଭମ କେଡିଆ, ବୃଷଭ ସାହୁ, ଅଜିତ ସାହୁ, ବିଦ୍ୟାଧର ସେଠୀ, ମନିଷା ବାଗ, ଜ୍ୟୋତ୍ସ୍ନାମୟୀ ପସାୟତଙ୍କ ସହ ଇ-ମଡେଲ୍ ପବ୍ଲିକ ସ୍କୁଲର ସମସ୍ତ ଶିକ୍ଷକ ଶିକ୍ଷୟିତ୍ରୀ ଏବଂ ବରୁ ପୁରାତନ ଛାତ୍ରଛାତ୍ରୀ ଉପସ୍ଥିତ ଥିଲେ ।