ଦଶପଲ୍ଲା : ଆଜି ସଂଧ୍ୟାରେ ଦଶପଲ୍ଲା ବୀଣାପାଣି ବଜାରଠାରେ ବିପ୍ଲବୀ ଗୋବିନ୍ଦ ମିଶ୍ରଙ୍କ ୫୭ ତମ ଶ୍ରାଦ୍ଧତ୍ସବ ପାଳିତ ହୋଇଯାଇଛି । ପୂଜ୍ୟପୂଜା ସମିତି ଦ୍ୱାରା ଆୟୋଜିତ ଏହି ଉତ୍ସବରେ ମୁଖ୍ୟ ଅତିଥିଭାବେ ରେଡ଼ିଓ ସୁରଭି ନିର୍ଦ୍ଦେଶକ ଡ଼ଃ ଶିଶିର କୁମାର ସାହୁ ଯୋଗଦେଇଥିବା ବେଳେ ଅନ୍ୟତମ ଅତିଥିଭାବେ ନାଟ୍ୟକାର ବିଶ୍ୱନାଥ ମହାପାତ୍ର,ସମାଜସେବୀ ପ୍ରଫୁଲ୍ଲ କୁମାର ମହାନ୍ତି, ସମାଜସେବୀ ମାଧବ ଚନ୍ଦ୍ର ମିଶ୍ର,ବରିଷ୍ଠ ଆଇନଜିବି ଶରତ ଚନ୍ଦ୍ର ବେହେରା ପ୍ରମୁଖ ଯୋଗ ଦେଇଥିଲେ । ଅତିଥିମାନେ ପ୍ରଥମେ ପ୍ରଦୀପ ପ୍ରଜ୍ଜ୍ୱଳନ କରି ସ୍ୱର୍ଗତ ବିପ୍ଲବୀ ଗୋବିନ୍ଦ ମିଶ୍ରଙ୍କ ଫଟୋଚିତ୍ରରେ ପୁଷ୍ପମାଲ୍ୟ ଅର୍ପଣ କରିଥିଲେ । ସ୍ୱାଧୀନତା ସଂଗ୍ରାମୀ ତଥା ଗାନ୍ଧିବାଦୀ ନେତା ବିପ୍ଲବୀ ଗୋବିନ୍ଦ ମିଶ୍ର ସ୍ମୃତିକୁ ମନେପକାଇ ଅତିଥିମାନେ ସ୍ୱର୍ଗତ ମିଶ୍ରଙ୍କ ଜୀବନର ସେହି ସମୟର ସଂଗ୍ରାମ ବିଷୟରେ ମତ ବ୍ୟକ୍ତ କରିଥିଲେ । ଏହି ଅବସରରେ ପୂଜ୍ୟାପୂଜା ସମିତି ପକ୍ଷରୁ ଅବସରପ୍ରାପ୍ତ ଆଦର୍ଶ ଶିକ୍ଷକ ତଥା ସମାଜସେବୀ ପ୍ରଫୁଲ୍ଲ କୁମାର ମହାନ୍ତିଙ୍କୁ ବିପ୍ଲବୀ ଗୋବିନ୍ଦ ମିଶ୍ର ସ୍ମୃତି ସମ୍ମାନରେ ସମ୍ମାନିତ କରାଯାଇଥିଲା । ଏହି କାର୍ଯ୍ୟକ୍ରମକୁ ଶିକ୍ଷାବିତ ସରୋଜ କୁମାର ପଣ୍ଡା ସଂଯୋଜନା କରିଥିବା ବେଳେ ପରିଶେଷରେ ନାରାୟଣ ସାହୁ ଧନ୍ୟବାଦ ଅର୍ପଣ କରିଥିଲେ ।