ଦଶପଲ୍ଲା : ଦଶପଲ୍ଲାର ବିଭିନ୍ନ ବିଦ୍ୟାଳୟରେ ସ୍କାଉଟ ଡେ ପାଳିତ ହୋଇଯାଇଛି । ଏ ଅବସରରେ ଦଶପଲ୍ଲା ଦେଢ଼ସର୍ ୟୁଜିଏମଇ ସ୍କୁଲ ପରିସରରେ ସ୍ମାଉଟ ଡେ ପାଳିତ ହୋଇଯାଇଛି । ସ୍କାଉଟ ଶିକ୍ଷକ ଆଲୋକ ସେନାପତି ଙ୍କ ନେତୃତ୍ୱରେ ସକାଳ ସମୟରେ ବିଦ୍ୟାଳୟ ପରିସରରେ ବିଦ୍ୟାଳୟର ପ୍ରଧାନ ଶିକ୍ଷକ ସ୍କାଉଟ ପତାକା ଉତୋଳନ କରିବା ସହ ଅଭିବାଦନ ଗ୍ରହଣ କରିଥିଲେ । ପରେ ସ୍କାଉଟ ଛାତ୍ରମାନଙ୍କ ଦ୍ୱାରା ବିଦ୍ୟାଳୟର ଚର୍ତୁପାର୍ଶ୍ୱ ସଫେଇ କରିଥିବା ବେଳେ ଅପରାହ୍ନ ସମୟରେ ଏକ ସଭା ଅନୁଷ୍ଠିତ ହୋଇଥିଲା । ଏଥିରେ ବିଦ୍ୟାଳୟର ପ୍ରଧାନ ଶିକ୍ଷକ ଅତିଥି ଭାବେ ଯୋଗ ଦେଇଥିବା ବେଳେ ସମସ୍ତ ଶିକ୍ଷକ ଓ ଶିକ୍ଷୟତ୍ରୀ ଉପସ୍ଥିତ ରହି ସ୍କାଉଟ ଡେ ସମ୍ପର୍କରେ ବକ୍ତବ୍ୟ ରଖିବା ସହ ସ୍କାଉଟ୍ର ପ୍ରତିଷ୍ଠାତା ଲର୍ଡ ରୋବର୍ଟ ବ୍ୟାଡେନ ପାୱେଲଙ୍କ ସମ୍ପର୍କରେ ବକ୍ତବ୍ୟ ରଖିଥିଲେ । ବିଶେଷ ଭାବେ ଛାତ୍ର ଛାତ୍ରୀ ମାନେ ସ୍କାଉଟ ରେ ଅନୁପ୍ରାଣିତ ହୋଇ ସେବାକୁ ଆତ୍ମାର ସହ ଗ୍ରହଣ କରିବାକୁ ଆହ୍ୱାନ ଦେଇଥିଲେ । ଏହି ସଭାକୁ ସ୍କାଉଟ ଶିକ୍ଷକ ଆଲୋକ ସେନାପତି ପରିଚାଳନା କରିଥିବାବେଳେ ଏହି ସଭାରେ ବିଦ୍ୟାଳୟର ସ୍କାଉଟ ଛାତ୍ରମାନଙ୍କ ସହ ସମସ୍ତ ଛାତ୍ରଛାତ୍ରୀ ଉପସ୍ଥିତ ଥିଲେ ।