ନୂଆପଡ଼ା :ନୂଆପଡା ଜିଲ୍ଲା ସଦର ତହସିଲ କାର୍ଯ୍ୟାଳୟ ସମ୍ମୁଖରେ ଜଣେ ଯୁବକ ପେଟ୍ରୋଲ ଢାଳି ଆତ୍ମହୁତି ଉଦ୍ୟମ କରିଥିଲେ । ଗୁରୁତର ଅବସ୍ଥାରେ ତାଙ୍କୁ ଉଦ୍ଧାର କରି ନୂଆପଡା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇ ତାଙ୍କର ଚିକିତ୍ସା ଜାରି ରହିଛି । ଏହି ଆତ୍ମହୁତି ଉଦ୍ୟମରେ ତାଙ୍କର ଅଧାରୁ ଅଧିକ ଶରୀର ପୋଡି ଯାଇଥିବା ଜଣାପଡିଛି । ଜମି ପ୍ରମିଶନ ନା’ରେ ହଇରାଣ ହେଉଥିବା ଅଭିଯୋଗରେ ଜଣେ ଯୁବକ ତାର ଶରୀରରେ ପେଟ୍ରୋଲ ଢାଲି ଆତ୍ମହୁତି ଉଦ୍ୟମ କରିଥିବାବେଳେ ତାର ଶରୀର ଅଧାରୁ ଅଧିକ ପୋଡି ଗୁରୁତର ହୋଇ ପଡିଛନ୍ତି । ଆତ୍ମହୁତି କରିଥିବା ଯୁବକ ଜଗଦିଶ ଚୌହାନ ବୋଲି ଜଣାପଡିଛି । ନୂଆପଡା ସଦର ବ୍ଲକ କଲ୍ୟାଣପୁର ଗାଁ ୩୫ ବର୍ଷିୟ ଯୁବକ ତାର ପରିବାର ଅସୁବିଧା ହେତୁ ତାର ଭାଗର ୧୬ ଡିସମିଲ ଜମିକୁ ବିକ୍ରି ପାଇ ତହସିଲ ଅଫିସରେ ଆବେଦନ କରିଥିଲେ । ଜମି ବିକ୍ରିର ପରମିସନ ନ ଦେଇ ବାରମ୍ବାର ହଇରାଣ କରୁଥିବାରୁ ଆଜି ଆବେଦନକାରୀ ଜଗଦିଶ ଚୌହାନ ନୂଆପଡା ତହସିଲ ଅଫିସ ସମ୍ମୁଖରେ ନିଜ ଶରୀରରେ ପେଟ୍ରୋଲ ଢାଲି ନିଆଁ ଲଗାଇଥିଲେ ।