ପୁରୀ : ଆମ ଗହଣ ଆଉ ନାହାନ୍ତି ବିଶିଷ୍ଟ ତବଲା ବାଦକ ଜାକିର ହୁସେନ । ୭୩ ବର୍ଷ ବୟସରେ ତାଙ୍କର ବିୟୋଗ ହେଇଛି । ତାଙ୍କ ବିୟୋଗରେ ସାରା ଦେଶରେ ଶୋକର ଛାୟା ଖେଳିଯାଇଛି । ଏହି ଅବସରରେ ବାଲୁକା ଚିତ୍ରଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ପୁରୀ ବେଳାଭୂମିରେ ବାଲୁକା ଚିତ୍ର କଳାରେ ଶ୍ରଦ୍ଧାଞ୍ଜଳି ଦେଇଛନ୍ତି । ସୁଦର୍ଶନ ପୁରୀର ନୀଳାଦ୍ରି ବିଚ୍ରେ ସ୍ୱର୍ଗତ ଜାକିର ହୁସେନଙ୍କ ଏକ ପ୍ରତିକୃତି ବାଲିରେ ନିର୍ମାଣ କରିଛନ୍ତି । ଏଥି ସହିତ ତାଙ୍କ ପ୍ରିୟ ତବଲାର ପ୍ରତିକୃତି ମଧ୍ୟ ବାଲିରେ ତିଆରି କରାଯାଇଛି । ଏହି ବାଲୁକା ଚିତ୍ର କଳା ଦେଖିବାକୁ ଅନେକ ପର୍ଯ୍ୟଟକଙ୍କ ବେଶ୍ ଭିଡ ହୋଇଥଲା ।