ଫୁଲବାଣୀ : କନ୍ଧମାଳ ଜିଲ୍ଲା ଫୁଲବାଣୀ ବ୍ଲକ ଅନ୍ତର୍ଗତ ଦୁବଗଡ ଠାରେ କ୍ଲଷ୍ଟର ସ୍ତରୀୟ ଶିକ୍ଷକ ଓ ଶିକ୍ଷୟତ୍ରୀମାନଙ୍କୁ ନେଇ ଏକ ଶିକ୍ଷଣୀୟ ସାମଗ୍ରୀ ପ୍ରସ୍ତୁତ କର୍ମଶାଳା ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ବ୍ଲକ ଶିକ୍ଷା ଅଧିକାରୀ ରଞ୍ଜନ କହଁର ମୁଖ୍ୟ ଅତିଥୀ ଭାବେ ଯୋଗ ଦେଇ ଶିକ୍ଷଣୀୟ ସାମଗ୍ରୀର ଆବଶ୍ୟକତା ସମ୍ପର୍କରେ ବୁଝାଇଥିଲେ । ସେହିପରି ଏବିଇଓ ଅମୁଲ୍ୟ ଜେନା, ଅଶୋକ ମିଶ୍ର, ଶ୍ୟାମବନ୍ଧୁ ମହାରଣା ଓ ଶିକ୍ଷକ ପ୍ରଶିକ୍ଷକ କୃଷ୍ଣ କୁମାର ପ୍ରମୁଖ ଯୋଗ ଦେଇ ଶିକ୍ଷଣୀୟ ସାମଗ୍ରୀ ପ୍ରସ୍ତୁତି ଉପରେ ବୁଝାଇଥିଲେ ।
ଅନ୍ୟ ମାନଙ୍କ ମଧ୍ୟରେ ସିଆରସିସି ପ୍ରଦୀପ ମହାନ୍ତି, ସରିତା ମହାରଣା, ସରୋଜ ପ୍ରଧାନ, ରବୀନ୍ଦ୍ର ଦିଗଲ, ସତୀଶ ପ୍ରଧାନ, ଓମ ସାହାଣୀ ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ । ବିଭିନ୍ନ ସ୍କୁଲର ଚିତ୍ରସେନୀ ମହାନ୍ତି, ସନ୍ଧ୍ୟାରାଣୀ ମହାନ୍ତି, ବିଷ୍ଣୁପ୍ରିୟା ସାହୁ, ଧନେସ୍ୱର ଖୁଣ୍ଟିଆ ସମେତ ଅନେକ ଶିକ୍ଷକ ଶିକ୍ଷୟତ୍ରୀ ଉପସ୍ଥିତ ଥିଲେ ।