ପୁରୀ : ଟ୍ରେନ ଭିତରୁ ବୃଦ୍ଧ ନିଖୋଜ । ଅକ୍ଷୟ ତୃତୀୟା ଦିନ ଏହି ଘଟଣା ଘଟିଛି ଜଗନ୍ନାଥ ଏକ୍ସପ୍ରେସରେ । ପଶ୍ଚିମବଙ୍ଗର ସୁନନ୍ଦା ବେରା ନିଜ ବାପା ଓ ୧୦ ଜଣଙ୍କ ସହ ହାୱଡାରୁ ପୁରୀ ଅଭିମୁଖେ ଆସୁଥିଲେ । ଗତ ଅକ୍ଷୟ ତୃତୀୟା ଦିନ ଜଗନ୍ନାଥ ଏକ୍ସପ୍ରେସ ଯୋଗେ ଆସୁଥିବାବେଳେ ପ୍ରବଳ ବର୍ଷା ଯୋଗୁଁ ଟ୍ରେନ ଭିତର ଅନ୍ଧକାର ହୋଇଯାଇଥିଲା । ଟ୍ରେନ ବାଲେଶ୍ୱର ଷ୍ଟେସନରେ ପହଞ୍ଚିଥିଲା ।ରାତି ପ୍ରାୟ ୧୧ଟା ସମୟରେ ତାଙ୍କ ବାପା ସେହି ସିଟରେ ନଥିବା ସେମାନେ ଦେଖିବାକୁ ପାଇଥିଲେ । ୬୦ ବର୍ଷୀୟ ତାଙ୍କ ବାପା କୌଣସି ଷ୍ଟେସନରେ ଭୁଲବଶତଃ ଓହ୍ଲାଇଯାଇ ବୟସାଧିକ କାରଣରୁ ଆଉ ଟ୍ରେନରେ ଚଢିପାରିନଥିବା ସନ୍ଦେହ କରାଯାଉଛି ।ତାଙ୍କ ବାପାଙ୍କ ଫଟୋ ପୁରୀ ଜିଆରପି ପୋଲିସ ଜାରି କରିଛି ।