ଭୁବନେଶ୍ୱର: ଭୁବନେଶ୍ୱରରେ ପ୍ରଥମ ଥର ପାଇଁ ଏକ ଅନ୍ତର୍ଜାତୀୟସ୍ତରର ସୁନ୍ଦରୀ ପ୍ରତିଯୋଗିତା ଆୟୋଜିତ ହୋଇଯାଇଛି । ଏହି ପ୍ରତିଯୋଗିତା ଭୁବନେଶ୍ୱର ସ୍ଥିତ ହୋଟେଲ ଏକ୍ସିଲେନସିରେ ଆୟୋଜିତ ହୋଇଯାଇଛି । ଯୁବପିଢୀଙ୍କୁ ନୂତନ ସୁଯୋଗ ଦେବା ସହ ସେମାନଙ୍କ ଯୋଗ୍ୟତାକୁ ସଠିକ୍ ମାର୍ଗଦର୍ଶନ ନିମନ୍ତେ ଡ୍ରିମର୍ସ ପ୍ଲାନେଟ୍ ଅର୍ଗାନାଇଜେସନ୍ ଦ୍ୱାରା ପ୍ରସ୍ତୁତ କରାଯାଇଛି ମିଷ୍ଟର, ମିସ୍ ଏବଂ ମିସେସ୍ ଇଣ୍ଡିଆ କସ୍ମୋ ନ୍ୟାସନ୍ ୨୦୨୨ । ଗୁରୁତ୍ୱପୂର୍ଣ୍ଣ କଥା ହେଲା ଏହି ପ୍ରତିଯୋଗିତାର ମୁଖ୍ୟ ଆୟୋଜକ ହେଉଛନ୍ତି ମା’-ଝିଅଙ୍କ ଯୋଡି । ଅଞ୍ଜଳି ଏବଂ ଆଦିତି ମହାନ୍ତି ହେଉଛନ୍ତି ଡ୍ରିମର୍ସ ପ୍ଲାନେଟ୍ ଅର୍ଗାନାଇଜେସନର ମୁଖ୍ୟ ପରିଚାଳକ ।
ଏହି ପ୍ରତିଯୋଗିତାରେ ପାନ୍ ଇଣ୍ଡିଆର ବହୁ ପ୍ରତିଯୋଗୀ ଅଂଶ ଗ୍ରହଣ କରି ନିଜର ଟ୍ୟାଲେଣ୍ଟ ପ୍ରଦର୍ଶନ କରିଥିଲେ । ଏଥିରେ ସେଲିବ୍ରିଟି ଜୁରୀ ଭାବେ ମ୍ୟାନ୍ ଅଫ୍ ୱାର୍ଲଡ୍ ୨୦୨୨ ଶ୍ରୀଯୁକ୍ତ ଆଦିତ୍ୟ ଖୁରାନା, ସେଲିବ୍ରିଟି ମଡେଲ ତଥା ଅଭିନେତା ଶ୍ରୀଯୁକ୍ତ ସୌରଭ ସିଂହ ପଟୱାଲ୍, ମିସ୍ ଛତିଶଗଡ ମିତାଲି ଯଦୁବଂଶୀ ଏବଂ ମିଷ୍ଟର ୱାର୍ଲଡ୍, ଫିଟନେସ୍ ଆଇକନ୍ ଅଫ୍ ଇଣ୍ଡିଆ ଶ୍ରୀଯୁକ୍ତ ଆନନ୍ଦ ଆର୍ନୋଲ୍ଡ ପ୍ରମୁଖ ଉପସ୍ଥିତ ଥିଲେ ।
୩ଟି ରାଉଣ୍ଡ ଯଥା- ଅନ୍ତର୍ଜାତୀୟ ପୋଷାକ ପ୍ରଦର୍ଶନୀ ରାଉଣ୍ଡ, ପରିଚୟ ପ୍ରଦାନ ରାଉଣ୍ଡ ଏବଂ ପ୍ରଶ୍ନତ୍ତୋର ରାଉଣ୍ଡ ମାଧ୍ୟମରେ ପ୍ରତିଯୋଗିତାରେ ଅଂଶ ଗ୍ରହଣ କରିଥିବା ପ୍ରତିଯୋଗୀଙ୍କ ଦକ୍ଷତାକୁ ପରଖି ଥିଲେ ଜୁରୀ ମେମ୍ବର । ଆଉ ଶେଷରେ ପ୍ରତ୍ୟେକ ବର୍ଗର ବିଜେତାଙ୍କ ସମେତ ଦୁଇ ଜଣ ଲେଖାଏଁ ରନର୍ସ ଅପ୍ ବିଜେତାଙ୍କୁ ମଧ୍ୟ ମୁକୁଟ ସହ ସାସ୍ ପ୍ରଦାନ କରାଯାଇଥିଲା ।