ପୁରୀ : ପିପିଲି ପୋପରଙ୍ଗା ସେବା ସମବାୟ ସମିତିର ନିର୍ଦ୍ଦେଶକ କିଶୋର ଛୋଟରାୟ ପୁରୀ ନିମାପଡ଼ା କେନ୍ଦ୍ର ସମବାୟ ବ୍ୟାଙ୍କର ସଭାପତି ନିର୍ବାଚିତ ହୋଇଛନ୍ତି । ଏଥିପାଇଁ ବ୍ୟାଙ୍କ ପରିସରରେ ବୁଧବାର ନିର୍ବାଚନ ଅନୁଷ୍ଠିତ ହୋଇଥିଲା । ଅତିରିକ୍ତ ଜିଲ୍ଲାପାଳ ପ୍ରୋଟୋକଲ ଦିଲୀପ ମହାପାତ୍ରଙ୍କ ଉପସ୍ଥିତିରେ ନିର୍ବାଚନ କରାଯାଇଥିଲା । କିଶୋରଙ୍କ ସହ ଗଣେଶ୍ୱରପୁର ସେବାସମବାୟ ସମିତିର ନିର୍ଦ୍ଦେଶକ ବନ ପଟ୍ଟନାୟକ ସଭାପତି ପାଇଁ ପ୍ରାର୍ଥୀପତ୍ର ଦାଖଲ କରିଥିଲେ । ପରେ ଭୋଟ ଅନୁଷ୍ଠିତ ହୋଇଥିଲା । କିଶୋର ୧୨ଟି ଭୋଟ ପାଇ ନିର୍ବାଚିତ ହୋଇଥିବାବେଳେ ବନ ୩ଟି ଭୋଟ ପାଇଥିଲେ । କିଶୋର ସଭାପତି ନିର୍ବାଚିତ ହେବାପରେ ଜିଲ୍ଲାପରିଷଦ ସଦସ୍ୟ ଧରଣୀଧର ସାହୁ, ପ୍ରଦୀପ୍ତ ଖଟୋଇ,କୋ ଅବଜର୍ଭର କାଶୀନାଥ ରଣା, ପ୍ରମୋଦ ସାମଲ ପ୍ରମୁଖ ତାଙ୍କୁ ପୁଷ୍ପଗୁଚ୍ଛ ଦେଇ ସ୍ୱାଗତ ଓ ଅଭିନନ୍ଦନ ଜଣାଇଥିଲେ ।