ଦଶପଲ୍ଲା : ପ୍ରତିବର୍ଷ ପରି ଦଶପଲ୍ଲା ବ୍ଲକ ସିମିଳି ସାହି ପଞ୍ଚାୟତ ଅନ୍ତର୍ଗତ ଗୋଡିବିଡ଼ା ଗ୍ରାମରେ ଏ ବର୍ଷ ମଧ୍ୟ ଗଣେଶ ପୂଜା ପାଳନ ହୋଇଥିଲା । ଏହି ଗଣେଶ ପୂଜାର ସାଂସ୍କୃତିକ କାର୍ଯ୍ୟକ୍ରମରେ ଦଶପଲ୍ଲାର ବିଶିଷ୍ଟ ସମାଜସେବୀ ଶ୍ରୀହରି ନାୟକ, ପୋଖରୀଗୋଛା ସମିତି ସଭ୍ୟ ବାପୁଜୀ ସାହୁ, ପୂର୍ବତନ ଜିଲ୍ଲା ଉପସଭାପତି ପ୍ରଦୋଷ କୁମାର ଜେନାଙ୍କ ସହିତ ଦଶପଲ୍ଲା ଏନଏସିର ସ୍ୱାଧୀନ କାଉନସିଲରମାନେ ଓ ଅନ୍ୟ ସମାଜସେବୀ ମାନେ ଉପସ୍ଥିତ ରହି ଗ୍ରାମରେ ଆୟୋଜିତ ସାଂସ୍କୃତିକ କାର୍ଯକ୍ରମକୁ ଆନୁଷ୍ଠାନିକ ଭାବେ ଉଦଘାଟନ କରିଥିଲେ । ଶିମିଳିସାହି ପଞ୍ଚାୟତର ସରପଞ୍ଚଙ୍କ ଅଧ୍ୟକ୍ଷତାରେ ଏକ ସଭା ଆୟୋଜନ ହୋଇଥିଲା । ଏହି ପଞ୍ଚାୟତରେ ନବୀନ ସରକାରଙ୍କ ପ୍ରତ୍ୟେକ କାର୍ଯ୍ୟ କିପରି ସୁଚାରୁରୂପେ ସଫଳ ରୂପାୟନ କରାଯିବ ସେହି ବିଷୟରେ ଆଲୋଚନା କରିଥିଲେ । ସର୍ବଶେଷରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।