ଫୁଲବାଣୀ:ବାଇକ୍ ଦୁର୍ଘଟଣାରେ ଆଜି ଫୁଲବାଣୀ ନିଉଜ7 ଟିଭି ଚ୍ୟାନେଲର କ୍ୟାମେରାମ୍ୟାନ ରାଜୁ ନାୟକଙ୍କ ମୃତ୍ୟୁ ହୋଇଛି। ଜନ୍ମାଷ୍ଟମୀରେ ତାଙ୍କ ଭଉଣୀ ଘରକୁ ଆସିଥିଲେ। ଭଉଣୀ ଶାଶୁଘର ଖଜୁରିପଡାରେ ରାଜୁ ତାଙ୍କୁ ଛାଡି ଫେରୁଥିବା ବେଳେ ଭାରସାମ୍ୟ ହରାଇ ରାସ୍ତାରେ ଏକ ଗଛ ଦେହରେ ବାଇକ୍ ବାଡେଇ ହୋଇଥିଲା। ଯାହାଫଳରେ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଛି। ଖବର ପାଇବା ପରେ ଖଜୁରିପଡା ଥାନା ପୁଲିସ୍ ଘଟଣାସ୍ଥଳରେ ପହଁଞ୍ଚି ମୃତଦେହ ଉଦ୍ଧାର କରି ଶବ ବ୍ୟବଚ୍ଛେଦ ପାଇଁ ପଠାଇଛି। ରାଜୁ ଗତ ୪ ବର୍ଷ ହେଲା ନ୍ୟୁଜ ସେଭେନ୍ କ୍ୟାମେରାମ୍ୟାନ ଭାବେ ଫୁଲବାଣୀରେ କାମ କରୁଥିଲେ। ସେ ଜଣେ ମେଳାପି ଯୁବକ ଥିଲେ। ତାଙ୍କ ମୃତ୍ୟୁରେ ସ୍ଥାନୀୟ ଅଞ୍ଚଳରେ ଦୁଃଖରେ ଛାୟା ଖେଳି ଯାଇଛି। ତାଙ୍କ ମୃତ୍ୟୁରେ ନ୍ୟୁଜ7 ଚ୍ୟାନେଲରେ ସମସ୍ତ କର୍ମକର୍ତ୍ତା ଶୋକ ବ୍ୟକ୍ତ କରିବା ସହିତ ପ୍ରେସ କ୍ଳବ ର ସମସ୍ତ ସାମ୍ବାଦିକ ସଦସ୍ୟ ଏବଂଜିଲ୍ଲାର ଥାନା ଅଧିକାରୀ ମାନେ ମଧ୍ୟ ଶୋକ ପ୍ରକାଶ କରଛନ୍ତି ସୋସିଆଲ ମିଡିଆ ମାଧ୍ୟମରେ ।ଏବେବି ରାଜୁଙ୍କ ହସ ହସ ଚେହେରା ସବୁ ସାମ୍ବାଦିକଙ୍କ ଆଖି ଆଗରେ ନାଚି ଉଠୁଛି।ଦୁଃଖ ହୋଉ ସୁଖ ହେଉ ସବୁବେଳେ ସେହି ହସ ହସ ଚେହେରାରେ ସମସ୍ତ ସାମ୍ବାଦିକଙ୍କୁ କିଣି ନେଇଥିଲେ ଖୁବ କମ ସମୟରେ।