ଦାରିଙ୍ଗବାଡ଼ି,୭/୧୧:ଦାରିଙ୍ଗବାଡ଼ି ବ୍ଲକ ସିମନବାଡ଼ି ପଞ୍ଚାୟତ ଅନ୍ତର୍ଗତ ଡକରବାଡ଼ି ରାସ୍ତା ପାର୍ଶ୍ୱରେ ଥିବା ଲଟାବୁଦା ସଫାକଲେ ଡକରବାଡ଼ି ଗ୍ରାମର ଯୁବକ ସଂଘ । ବହୁ ଦିନ ହେବ ଜୁଡାବାଡ଼ି ଠାରୁ ଡକରବାଡ଼ି ପର୍ଯ୍ୟନ୍ତ ଦୀର୍ଘ ତିନି କିଲୋମିଟର ରାସ୍ତା ପାର୍ଶ୍ବରେ ଲଟାବୁଦା ପରିପୂର୍ଣ୍ଣ ହୋଇ ରହିଥିଲା । ଲଟାବୁଦା ପରିପୂର୍ଣ୍ଣ ହୋଇଥିବା ଫଳରେ ରାସ୍ତା ଆଡକୁ ଲଟାବୁଦା ମାଡିଯାଇ ରାସ୍ତାର ଓସାର କମି ଯାଇଥିଲା । ଏପରିକି ଲଟାବୁଦା ଫଳରେ ରାତ୍ର ସମୟରେ ଉକ୍ତ ସ୍ଥାନରେ ବିଷଧର କୀଟ ତଥା ଜୀବଜନ୍ତୁ ଙ୍କ ଭୟ ରହୁଥିଲା । ଯାହାରି ଫଳରେ ଲୋକେ ରାତି ହେଲା ଉକ୍ତରାସ୍ତା ଦେଇ ଗାଁ କୁ ଯିବାକୁ ଭୟ କରୁଥିଲେ । ଏପରିକି ଲଟା ହେବା ଉକ୍ତ ରାସ୍ତା ଦେଇ ଯିବା ଆସିବା ସମ୍ଭବ ହେଉନଥିଲା । ଏଣୁ ଗ୍ରାମର ୪୦ ରୁ ଉର୍ଦ୍ଧ ଯୁବକ ସଂଘର ସଦସ୍ୟ ମାନେ ଉକ୍ତ ଲଟାବୁଦା କୁ ସଫା କରିବାକୁ ଅଣ୍ଟା ଭିଡିଥିଲେ ।