ଅଜଣା ବଲେରୋ ଧକ୍କାରେ ୨ ଗୁରୁତର

ବୌଦ୍ଧ,୧୪/୧ – ଆଜି ସନ୍ଧ୍ୟା ପ୍ରାୟ ଘ. ୫. ୩୦ ମିନିଟ ସମୟରେ ଜାତୀୟ ରାଜପଥ ନମ୍ବର ୫୭ର ପଲସପାଟ୍ ଛକ ନିକଟରେ ଗୋଟିଏ ଅଜଣା ବଲେରୋ ଧକ୍କାରେ ଦୁଇ ଜଣ ଗୁରୁତର ଆହତ ହୋଇଥିବା ଜଣା ପଡିଛି l ମିଳିଥିବା ସୂଚନା ଅନୁଯାୟୀ ପଲସପାଟ୍ ଛକ ନିକଟରେ ହେଉଥିବା ମକର ମେଳାକୁ ଆସିଥିବା ତାଲସରଡା ଗ୍ରାମ ପଞ୍ଚାୟତ କଙ୍କଲା ଗ୍ରାମର ତିନି ଜଣ ଯୁବକ ସନତ ମହାକୁଡ (୨୧) ରିକୁନ ସେଠୀ (୨୦) ଓ ବିନୋଦ ମହାକୁଡ ଏକ ଗ୍ଲେମୋର୍ ବାଇକ ଓଡ଼ି ୨୭ ସି ଯୋଗେ ଆସୁଥିବା ବେଳେ ସମାନ ଦିଗରୁ ଆସୁଥିବା ଏକ ଅଜଣା ବଲେରୋ ତାଙ୍କୁ ଧକ୍କା ଦେଇଥିଲା l ଫଳରେ ସେମାନେ ଗୁରୁତର ଆହତ ହୋଇଥିଲେ | ସେମାନଙ୍କୁ ସେଠାରୁ ଉଦ୍ଧାର କରି ସ୍ଥାନୀୟ ଯୁବକ ଲୋକେ 108 ଆମ୍ବୁଲାନସ୍ ଯୋଗେ ବୌଦ୍ଧ ଡାକ୍ତରଖାନାରେ ଭର୍ତ୍ତି କରିଥିଲେ | ସନତ ଓ ରିକୁନଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ବୁର୍ଲା ଡାକ୍ତରଖାନା ରେଫର କରାଯାଇଥିବା ଜଣାପଡିଛି l ବାଉଁଶୁଣୀ ଥାନା ଓ ଜନ୍ହାପଙ୍କ ଫାଣ୍ଡି ପୋଲିସ ଘଟଣାସ୍ଥଳରେ ପହଂଚି ତଦନ୍ତ ଚଳାଇଥିବା ଜଣା ପଡିଛି l