ବୌଦ୍ଧ,୧୪/୫ – ଆଜି ସନ୍ଧ୍ୟା ସମୟରେ ପୁରୁଣା କଟକ ମାଧ୍ୟମିକ ବିଦ୍ୟାଳୟ ନିକଟ ବୁଲାଣିରେ ଗୋଟିଏ ଘରକୁ ଏକ ବାଲି ବୋଝେଇ ଟ୍ରକ ଧକ୍କା ଦେବା ଫଳରେ ଘର କାନ୍ଥ ଭାଙ୍ଗି ଯାଇଥିବା ଜଣା ପଡିଛି l ମିଳିଥିବା ସୂଚନା ଅନୁଯାୟୀ ଆଜି ସନ୍ଧ୍ୟା ପ୍ରାୟ ଘ 7. 30 ମିନିଟ ସମୟରେ ଧଲପୁର୍ ମହାନଦୀ ଘାଟରୁ ବାଲି ବୋଝେଇ କରି ଫୁଲବାଣୀ ଯାଉଥିବା ଏକ ଟ୍ରକ ପୁରୁଣା କଟକ ମାଇନର୍ ସ୍କୁଲ ବୁଲାଣି ନିକଟରେ ଭାରସାମ୍ୟ ହରାଇ ଦେବରାଜ ସାହୁଙ୍କ ଘରକୁ ଧକ୍କା ଦେଇଥିଲା l ଫଳରେ ଘରର କାନ୍ଥ ଓ ଛପର ଭାଙ୍ଗି ଯାଇଥିଲା l ଟ୍ରକ ଡ୍ରାଇଭରର ବେପରୁଆ ଦୃତ ଗତିରେ ଗାଡି ଚାଳନା ଯୋଗୁଁ ଦୁର୍ଘଟଣା ଘଟିଥିବା ପ୍ରତ୍ୟକ୍ଷଦର୍ଶୀ ପ୍ରକାଶ କରିଛନ୍ତି | ଦୁର୍ଘଟଣାରେ ଘର ମଧ୍ୟରେ ଥିବା କୌଣସି ବ୍ୟକ୍ତି ଆହତ ହୋଇନଥିବା ବେଳେ ଡ୍ରାଇଭର ଟ୍ରକ ସହ ଘଟଣାସ୍ଥଳରୁ ଫେରାର ମାରିଥିଲା l ଲୋକେ ତାକୁ ଗୋଡ଼େଇ ଦିଗଶିରା ନିକଟରେ ଅଟକାଇ ପୁରୁଣା କଟକ ପୋଲିସ୍ ଜିମା ଦେଇଥିଲେ | ଘଟଣାସ୍ଥଳରେ ପହଞ୍ଚି ପୋଲିସ୍ ତଦନ୍ତ କରୁଥିବା ଜଣା ପଡିଛି l